Якстере теште/1924/20/Пек парсте тейнить миник покш соколтнэ
| ←Тошто-Борис велень эрямодо | Якстере теште, № 20, 15 июля 1924 г. редактор Васильев, Тимофей Васильевич Пек парсте тейнить миник покш соколтнэ сёрмадызе Эсинек Эрзя |
Колмоксть палынек→ |
| Якстере теште. Еженедельный орган Мордовской секции при Ц. К. Р. К. П. (б.). — № 20, 15 июля 1924 г. — с. 4 |
| Пек парсте тейнить миник покш соколтнэ. |
| (Пашто-Домосерка веле, С. Корси в Бугурус. у., Самар. губ.). |
Велесонок пек лац тефне молить. Школанок ульнисть кавто, а ней вейкеяк эзь кадув без-малова. Вейкинь атетни миизь, а омбоцинь весе (гробизь) салцизь сыньць. Школась ульнесь вадря, кевень ды ниле вете учительть тонавсть эйсонзо. Ней школастонть кадовсть стенат ды крышазо. Курок ули сексь, а атетне адумитькак школадонть и наверна таго а тееви тенст. Ламо эрявить ярмак теимгандо, но аволь седе ламо чем церькувас. Церкуваст кармасть кармась каладомо и сынь максызь теимс и кисонзо путеть 600 целковой, а школантей 200 целковой сатоволь, а сыньдест жаль школантей максомс. Вана кодат Ташто-Домосеркань эрзетне чопудат. Сеяк уш ачарькодеви, что школась седе покш лезэ канды. Ды еще пек ежовсто тейсть Максызь теемс церкуваст а условия эсть тей. Мекс жо сынь эсть тей условия? Пельсть, што подрячикенть пельде кармить правань вешеме ды налог пандовтыть. Тевень ушудыцякс яла эрци аволь пек покшке помещикке, кона яла сонцинзэ налогонть как яла сепи. Лемезэ Федятень Ларя, кона попонть кедензэ пильгензэ яла нолцесынзе.
Эрзят, эрзят еще яла нейгак сокуртадо. Пора чарькодемс што школавтомо аэряват седе тов.
Паньдядо кулсономс сюпав ларятьнень, сынь эсь зепедест башка поп марто киненьгак паро аэрцить.
Эсинек Эрзя.