Якстере теште/1924/15/Картухань апак виде-хозяйстват а кепедсак

←Велень пакся

Якстере теште, № 15, 27 мая 1924 г. редактор Васильев, Тимофей Васильевич
Картухань апак виде-хозяйстват а кепедсак сёрмадызе Шишкин

Кодамо лезэзэ картуханть→

Якстере теште. Еженедельный орган мордовской секции при Ц. К. Р. К. П. (б.). — № 15, 27 мая 1924 г. — с. 2

[ 2 ]

Картухань апак виде-хозяйстват а кепедсак.

Паринань парямонь таркас, парина моданьтей можна картухат видемс.

Картухасо видезь модась дух а пеле коське кизодо.

Кода авуль черноземной, истямо черноземной губерьнятьнень эзга, картуха видемась кандэ хозяйстваньтей покш лезэ.

Картухась максне сех покш урожай. Сон сюронть коряс колмоксть седе покш лезэ кандэ.

Секс самай, штобу кепедемс минек сюровидема хозяйстванок, штобу сон максоволь покш доход, эряве стараямс видеме седе ламине картуха.

Кодамо лезэзэ картуханть авуль черноземной модасонть?

Эряве стараямс, штобу картуханть видевелть, кода черноземной, истяжо и авуль черноземной губерьнятьнень эзга.

Авуль черноземной губерьнятьнень эзга улить ламо песоков модат, козой картухась, сюротнень коряс, пек седе-парсте чаче.

Истяможо сонзо лезэзэ и севонев модасонть, потому што сеть модатне эрить калгодот, а картухань видезь можна сонзо кавшалгафтомс.

Авуль черноземной губерьнятнень эзга, кува тундонь и кизонь-перть эрьцить ламо пиземет, паринатне а эрявить кадномс чаво. Парямонь таркас можна тозой видьнемс кормовой тикшо клевер, вика и лият.

Истяжо можна паринань парямонь таркас, модантей видемс картуха, анцяк скороспелкат, штобу сынь курокине кенеревелть. Таргамодост мейле видемс тозой розь, кона максэ покш урожай.

Поринань порямонь таракс модантей эряве видемс картухат секс, что сынь ваньксылгавцызь моданть сорной тикшодо.

Кодамо лезэзэ картуханть черноземга?

Черноземтнень эзга картуха видемась тожо пек покш лезэ кандэ сюро видима хозяиствантей. Тесэ уш сонзо лезэзэ лия.

Черноземтнень эзга сюровидицянть забота, кодобу ванстомс пиземе начконть кизэнь пси читнень эйстэ. А тень кувалт картухась пек покш лезэ кандэ сюро видицянтей.

Ведь картухантей кавксть седе аламо эрвяве пиземе начкось товзеронень, пинементень и лия сюротненень. Истяжо, картуханть видьнесызь пек седе позда, кода сюротнень, и кизо кунчкас сон касэ пек састыне, и значит, сонензо пиземе начкось-как эряве седе аламо.

Пек бойкасто картухась карме касомо кизо кунчкадо мейле, кода черноземной губерьнятьнень эзга эрьцить пек ламо пиземеть. Значит, картуханьтей кизонь позда пиземетне пек покш лезэ кандыть.

Тень эйсто минь пек парсте несынек, што модась картухатнень алдо пек парсте кирьде пиземе начконть, чем сюротнень ало. Секс и картухадо мейле видефт яровой сюротне пек покш урожай макснить.

Саратовонь опытной станциясо, кото иес картухадо мейле видефт товзерось в среднем макснесь 80 пондо десятинастонть, я товзеродо мейле — 67 пондо. Картухадо мейле видефт товзерось покшолгафтызе урожаенть 13 понтс. Истяжо ульнесь и лия губерьнятнень эзга.

Сех пек эряве стараемс картуха видеманть кувалт Рав лангонь эриця сюровидицятненень.

Равонь чирева эрицятне, конат 1921 иестонть видьнесть ламо картуха, наверна сон пек мелезэст тусь. картухась сынст идинзе вачо кулома чиденть.

Остатка енов анцяк мерян вана мезе:

Парсте хозяйстват витизе сестэ, кода кармат видеме ламо картуха.

Те валось уле виде.

Шишкин.

This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home.

Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России.