Эрязденть арсезь (2010)/Гайгсть морот, кайсететсть вайгельть...
[162]
| Гайгсть морот, кайсететсть вайгельть... |
ТЕТЯТ-АВАТ а кочксить. Те — уцяска. Лиякс теемс, кочкамс, киненьгак кодамояк вий а максови. А Верде, а Алдо. Мезе меремс седеень-мезень, рунгонь орматнень кувалма? Сынсткак а кочксить?! Кой-конатне эйстэст, виде, чачить эйденть марто. Теке басом, улить, ды аволь аламо, истяткак, конатнень прсвпаргось кундси-совавтни рунгонтень сонсь. Уцяскавтомокс ламот, лисни, тейневить эсь олясо, аволь ансяк чачомадо ды ормадо-тармодо.
...Течи школасо тонавтнемань меельце чи. Кемень иеть, теке пек кенерезь пештть пешкс куросто, прасть ютазь шкантень, кемень иеть кочкинь, теке паксясо товзюропрят зярдо-бути, превть, содамочить, тонавтнинь эрямо. Иетне-класстнэ, прок станцият поездсэ ардомсто, кадовсть удалов. Покш алян! Течи чокшне сови зепезэнь «кенеремадо конёв». Китне панжовсть: ардт, эскеляк, ливтяк ков мелеть.
Шкась лотксема а соды. Эскельдясь, эзия редяяк, чнкуншканть трокс. Пурнама-сэрияма ильтемань чокшнентень. Васняяк киртама судон алга тия-тува лисезь валдо тюс чернетнень. Арасельть... Косто саевсть? Мезекс сынь?
Саинь пицька керьмз ше. Арынь чавачамо икелев. Кирвастинь сардынеды... «Э-э-э, те а тев! Пси. Судот рестасак!» — тешкстыя эськан. Пси-аволь, ялатеке киртамат. А вадря лисемс ломань юткс нецяекс. Ломанть тандавтат. Пурнавить кавто класст — эрзянь ды рузонь, — сыть тонавтыцянок...
Вельмевтинь толнэ омбоцеде, колмоцеде... Тонадынь. Вейкень-вейкень, ялатеке ютавтынь безарькс лисевкстнэнь. Вана истя, ней минек классонь весе тейтертне кармить перькан чарамо!
Чокшнеденек икеле шлямскак пароль. Улезэ мель...
Пронянь Коля марто (сон минденек кавто-колмо кудонь трокс эри, мондень седе од) сыргинек велосипедсэ экшелямо Вейспрамов, таркантень, косо вастовить Веждей ды Покш Сельме, козонь, мельсэнь кирдевсь, ваякшнось кемсисемге иесэ тейтерь. Ограй Васянь патязо. Пачкодинек тов паксянь кияванть — эзь марявояк. Коля ливчанясто валгсь «лишмензэ» лангсто, ютась сёлтонть чирес, комась ды венстизе кедензэ ведентень.
— Кода? — лангозонзо ванозь, пшкадинь тензэ кайсемстэ.
— Теке ансяк потявтозь ловсо! — пейдезь серьгедсь ялгам ведь
[163] Школань прядома чи. Кемень иеть кочкинь превть, содамочить, тонавтнинь эрямо...
[164] турвастонть ды ювк каизе панаронзо, мельганзо понксонзо.
— Булдорк! — кавонек празь прынек ведентень. Сон алкукскак лембе, ванькс. Срадсть эйстэнек ведькевсрькст. Вечкеви!
Уинек мельцек-мельцек сёлтонть тона чирев. Лисинек ведьстэнть. Пекекиськенек лангс мадезь, аштинек зярс-бути лугасо вельтязь вандора чиресэнть. Оймсинек-теинек, кортнинек теде-тонадо ды — мекев. Мон уян, кода маштан ботай пильгсэнь икеле, Коля — мельган. Вадря... Ведесь лембе, чись маней! Сёлтонть пелькелензэ ютыя виень марязь. Седе тов, мария, таноком кармась маштомо, яксевтемс ведьсэнть кедень вием эзь сато. Кунсоломо эзть карма. Пряван кивчк ютась чопода мель. Каня а содылинь, укшнан беряньстэ? Эряволь куш седе талай оймсемс! Модантень ветешка-котошка эскельксэнь апак пачкоде, дарманом маштсь допрок. Буль-буль туинь алов. Лисинь — таго тов, лисинь — таго... Кургован, кирьгапарьган гил-гил, мария, совась ведь. «Пе тень сась, пе!» — ёндолнэкс ютась пряван.
Кажонть редизе ялгам. Сон эрязасто уйсь малазон ды весе вийсэнзэ рестедимим, зярдо лисинь лангс, вить кедьсэнзэ кутьмерьс. Аламнеде, эскельксэнь-кавтонь турошка, шаштовинь икелев. Одс, паряк, меельцеде, чопавтемстэнь пильге-сурсон мария илэв потмаксонть ды цяк-цяк нежедевинь эйзэнзэ. Лездась. Ведесь ульнесь уш кургодон алга. Коля седе курок икельдимим, цопадимим кедте ды ускозь ускимим сёлтстонть. Мадстимим комадо луганть лангс. Ведесь шоль-шоль лиссь потстон...
...Кизэнь опаня чокшне. Школань васенце этажсо сехте покш классось бизны нешкстэ лисиця мекшвелекс-пувозокс. Директорось, Иван Владимирович Ревакшин, прядызе аттестатонь явшема иланть, ды озынек аравтнезь стувортнэнь экшс. Аволь сюпав каванямкатнень ютксо неяви пуреяк. Тонавтыцянок кортнить мартонок мизолдозь-пеедькшнезь, теке ялгаст марто ледстнить школань прядома шкадост, арсить тенек келей-кувака ки, чансть эрямосонть. Пеедькшнемат, морот, кеняркссто пешксе сельмть... Кияк а арси — истя уш зярдояк, зярдояк а пурнавтано.
Стуворонть перька аштицятнень, ёжонь марязь морыцятнень эйстэ кияк эзь сода: ютксост вейкесь, секень вант, аттестатонзо кедьсэнзэ аволизе кирде, кадоволь сон школань, Иван Владимировичень сейфс.
[165] Монь таргакшнымим ведьстэ, сонсь вана ваясь идемевсень ведентень...
Гайгсть морот, кайсететсть кецнемань вайгельть...
* * *
Весть велев самстон стардымим апаро куля: Коля, Пронянь Коля, врадомадо идицям, повизе прянзо! Абунгадынь. Те кода истя? Мезде? Сон допрок одоль, пакшат эль кенерекшнесь нолдамо. Тувталдонть кияк паро ладсо эзь сода. Неявсь ансяк, марсевсь: цёранть кирьгадо кундакшнызе палыця ведесь. «М-да-а... — марязденть кувакасто таргия оймем. — Монь таргакшнымим ведьстэ, сонсь, истямо мазый покш цёра, ваясь, ваясь идемевсень ведентень».
Мекс истя — изнямс войнань шкань майсевематнень ды мейле максомс пря, мендявомс уличисэ эрямонть икеле? Лиси меревксэнть коряс: ванст пря пандо пряв куземстэ, кавксть — валгомсто. Теяк виде: стака изнямс асатыкстнэнь, кавксть-колмоксть стака изнямс оймень костиця, аволь чуросто, сюпавчитнень.
Аволь эрьвась чарькодинзе эрямонть неть койтнень. Малавгак аволь эрьвась. Ютан, превсэ кирдезь, Пичепева ды сан мельс: ловт, кудонь ютазь кияк ды тусь тоначив те яттонть. А кочкси сон. Амзорды, коморозонзо кие понги: ревень ваныця, тракторист, превень максыця тонавтыця, инженер, врач, академик...
Паряк, те алкукскак орма? Вейкентень, ванат, идемевсень спиртэнь радикалось куроксто тееви рунгонтень эрявиксэкс, лиянень — арась. Вейкесь тонады, ушоды велеванть чийнеме, лиянень — мезеяк арась.
Кода илязо уле, миллионт лепиясть ды лепиить те нулгодькс чине эрькентень. Келя, эрьва ломанесь Россиясо, потякай эйкакшонь пес, иень перть нолды кирьгапарьганзо 18 литрат спирт. Кода а лепиямс?