Эрзянь Мастор/2011/08/2010 иень А.П.Рябов лемсэ Казнень Лауреатось Казаков Пётр Ефимович
| Статья на сайте газеты: № 352, 26.04.2011, 2010 иень А.П.Рябов лемсэ Казнень Лауреатось Казаков Пётр Ефимович |
| 2010 иень А.П.Рябов лемсэ Казнень Лауреатось Казаков Пётр Ефимович |
чачсь 1923 иень медьковонь 14 чистэ Мордовия Республикань Покш-Березник буень Симкина велесэ. Эрзя.1941 иестэ ульнесь Сталинградонть кис тюремасонть, теде мейле ульнесь Карелэнь фронтсо. Модамасторонь Омбоце войнадонть мейле важодсь Мордовиянь комсомолонь Обкомсо, электролампань заводонь «Светотехника» сюлмавксонь парткомсо. Кувать тевть ветясь референтэкс Мордовия Республикань «Знание» вейсэндявкссонть. Прядызе Мордовиянь Н.П.Огарев лемсэ университетэнь историянь факультетэнть. Пенсияс лисемадо мейле 12 иеть важодсь наукань ды техникань информациянь Центрасо.
2010 иестэ Петр Ефимовичень Сарансо лиссь книгазо «Эрямонь киулот. Жизненные переулки». Эйсэнзэ колмо теевксстэ драмась «Саранонь эрзя» (рузокс ютавтовсь). Лиси омбоце книгазо «Ютазь пингестэ варштавкс». Петя лелянок-покштянок «Эрзянь Масторонь» сеедьстэнь инже. Сонзэ тешксэнзэ, арсеманзо, ледстнеманзо аволь чуросто лиснесть ды лиснить «Эрзянь Мастор» кулялопасонть.
Казне марто, Петя покштяй! Арсетяно Теть шумбрачи ды текекс, текекс кирдемс седе товгак!
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |