Эрзянь Мастор/2011/07/Чадыковонь 14-це чись - Мацьказ Лёфаень (Лежиков А.Л.) чачома чизэ, топодить тензэ 70 иеть

←16 апреля - День эрзянского языка

Эрзянь Мастор, № 7 (351), 11 апреля 2011 редактор Нуянь Видяз, Кшуманцянь Пиргуж Чадыковонь 14-це чись — Мацьказ Лёфаень (Лежиков А.Л.) чачома чизэ, топодить тензэ 70 иеть.

Фестивально-семинарский шабаш→

Статья на сайте газеты: № 351, 11.04.2011, Чадыкововнь 14-це чись – Мацьказ Лёфаень (Лежиков А.Л.) чачома чизэ, топодить тензэ 70 иеть.

 

Чадыковонь 14-це чись — Мацьказ Лёфаень
(Лежиков А.Л.) чачома чизэ, топодить тензэ 70 иеть.

Арсетяно теть, арневикс Лёфай леляй, кой-кинень покштяй, лиянень — ялакс, те чистэнть ды свал эрямс кутморязь паро ёжо марто, сэредьксэнь апак сода! Мизолксонь кептереть свал улезэ верьга-ланга. Седеяк сеедьстэ сакшност «ЭМ»-с келей сёлмо сермадовксот.

Мелень ванозь, кува-кува микпек вечкезь, «ЭМ»-нь теицятне ды Россиянь келес эриця ловныцятне

 

*  *  *  *  *  *  *  *  *  *  *  *  *  *  *  *  *  *  *

Лёфай ды Эрямо кизэ:

 

*  *  *  *  *  *  *  *  *  *  *  *  *  *  *

Дипломатось, журналистэсь-международникесь, ламо келень содыцясь Алексей Лукьянович Лежиков чачсь 1941-це иень чадыковонь 14-це чистэ Московонь ёнкссо Люберцы ошсо робочеень семиясо. Эйкакшпингезэ ютась Пенза ёнксонь Шемышейкань буень Эрьмиёв велесэ.

1958—1960-це иетнестэ важодсь слесарекс Люберцы ошонь заводсо. Служась Советской Армиясо (1960—1963). Прядызе СССР-нь МИД-нь международной отношениянь Московонь государственной институтонь (МГИМО-нь) чилисема ёнксонь отделениянть (1969). Важодсь дипломатокс Турциясо, Ливиясо, Болгариясо. 1986—1989-це иетнестэ сон — «Азия и Африка сегодня» журналонь сотрудник, зярыя иеть, 1989-це иестэ саезь, важодсь Сириясо Ближней Востоконь мастортнэнь коряс спецкорокс.

1967-це иестэ саезь ёвтнеманзо, ёвксонзо, згилямонзо ды фельетононзо лиснить «Эрзянь правда», «Эрзянь Мастор» газетатнесэ, «Сятко» ды «Чилисема» журналтнесэ. 1991-це иестэ Мордовиясо нолдазель Мацьказ Лёфаень «Каргонь Ки» эйкакштненень алтазь ёвтнемань книгазо.

А.Л. Лежиков покш мель явсь «Масторава» национальной движениянтень, Эрзянь келень идема Фондонь важодемантень.

Алексей Лукьянович Лежиков А.П. Рябов лемсэ Казнень лауреат (2004).

 

*  *  *  *  *  *  *

ЛЕЖИКОВ Алексей Лукьянович родился в рабочей семье 14 апреля 1941 г. в г. Люберцы Московской обл., дипломат, журналист-международник. Эрзянин. Окончил восточное отделение Московского государственного института международных отношений (МГИМО) МИД СССР (1969). В 1958-60 гг. работал слесарем на заводе в г. Люберцы. В 1960-63 гг. служил в Советской Армии. После окончания МГИМО — на дипломатической работе в Турции, Ливии Болгарии. В 1986-1989 г. — сотрудник журнала «Азия и Африка сегодня», с 1989 г. — в Сирии как спецкор журнала по странам Ближнего Востока. С 1967 г. публикует в газетах «Эрзянь правда», «Эрзянь Мастор», журналах «Сятко» и «Чилисема» рассказы, сказки, юморески и фельетоны. В 1991 г. в Мордовском книжном издательстве вышел сборник его рассказов для детей «Каргонь ки» («Млечный путь»). Активно сотрудничал и сотрудничает с национальными движениями «Масторава» и Фонд спасения эрзянского языка. Лауреат Премии имени А.П.Рябова. Награждён медалями.