Эрзянь Мастор/2008/07/Сюкпря теть, Миколь!

←Моры "Кучугурось". Поёт ансамбль "Кучугуры"

Эрзянь Мастор, № 7 (279), 9 апреля 2008 редактор Нуянь Видяз, Кшуманцянь Пиргуж Сюкпря теть, Миколь!

Чачома Чи марто!→

Статья на сайте газеты: № 279, 09.04.2008, Сюкпря теть, Миколь!

 

Сюкпря теть, Миколь!

Уш вете-кото иеть Эрзянь Масторсо, косо валскестэ чокшнес кортыть ды лексить ансяк эрзякс, косо коштось эрзянь, эри Серафима Марковна, Сима патянок. Ваны лангозонок нусманясто ды теке пеняци: мекс истя вишкалгадсь Эрзянь Масторось, косот ломанензэ, косот эрзятне, мекс якить прянь нолдазь?

Вето-кото иеде икеле совась тенек, 113 нупалентень, аволь сэрей-аволь алкине, валдо черь-чачо, виде рунго цера. Кандсь мезе-бути лапужа, парсте тапардазь. Юкснинзе сюлмавкстнэнь ды васенцеде варштась перьканзо, лангозонок «Эрзянь кель» моронть сермадыцязо-морыцязо Серафима Марковна Люлякина.

— Каршо а мердядо, — понгавтомс тынк стенас зярыя шкас те картинанть? — пшкадсь совиця церась — Аволь куватьс...

Те ульнесь Рябов Николай Владимирович. Ней сон Россиянь художникень Сюлмавксонь ломань. Аволь умок ульнесь невтемказо. Мезе парось, артыцянть шкинемазо педе-пес сюлмавозь эрзянь неень ды умонь шкань теманть марто.

Ютасть вете-кото иеть. Ёвтазь валтнэ — «Мон кадса аволь куватьс» — эзть стувтово. Превскак эзь сакшно — тейсь Рябовонь Миколь, теде апак корта Эрзянь келень идема Фондонтень питней казне. Кепедьсак вановтот стака, седейс авториця шкатнестэ Марковнань чачос, ды поты эйстэть апарось.