Эрзянь Мастор/2007/01/Седейризкс Николай Васильевич Зиновьевень куломанзо кувалма

←Кулось эрзянь ине ломань - Кизяев Александр Сергеевич

Эрзянь Мастор, № 1 (249), 12 января 2007 редактор Нуянь Видяз, Кшуманцянь Пиргуж Седейризкс Николай Васильевич Зиновьевень куломанзо кувалма

Кулось Якушев Сергей Владимирович→

Статья на сайте газеты: № 249, 12.01.2007, Седейризкс Николай Васильевич Зиновьевень куломанзо кувалма

 

Седейризкс Николай Васильевич Зиновьевень куломанзо кувалма

Зиновьев Николай Васильевич чачсь 1948-це иень умарьковонь 27-це чистэ П. Березникень буень Шугурвелесэ. Кувать важодсь «Эрзянь правда» газетасо, наукань сотрудникекс МНИИЯЛИЭ-сэ, школань содамочинь системасонть.

Лиятнень марто вейсэ нолдызь «Проблемы развития современной мордовской литературы» книганть. 1996 иестэ лиссь книгазо «Валдо тештень пусмо». Эйсэнзэ макссовсть портретт: М. Е. Евсевьевень, В. В. Горбуновонь, Н. И. Черапкинэнь ды лиятнень. Вейсэ Т. И. Зиновьева марто нолдасть школатнень туртов лезкскнигат: «Тештине» (1993), «Цёковне» (1994), «Чивалдо» (1995).

Филологической наукань кандидатось Зиновьев Н. В. печатась 50-де ламо литературань критикань статьят. Сонзэ раксемань ёвтнеманзо совасть «Сэмень судрявкст» вейсэнь пусмонтень. Нолдась монографият: «Душа народа», «Здравствуй, профессор», «Как это было», «Ступени роста».

Кулось Н. В. Зиновьев 2007 иень якшамковонь 2-це чистэ.

Минь, Эрзянь келень вечкицятне, ёвтатано седейризкс Н. В. Зиновьевень малавиксэнзэ туртов, цидярдомс тенст ёмамонь те апаронть.