Эрзянь Мастор/2006/06/Пшкадема

←Портреты писателей? Обращайтесь в "Чилисему"

Эрзянь Мастор, № 6 (230), 30 марта 2006 редактор Нуянь Видяз, Кшуманцянь Пиргуж Пшкадема сёрмадызе Кшуманцянь Пиргуж

День Эрзя и Мокша культур Пензенской области→

Статья на сайте газеты: № 230, 30.03.2006, Пшкадема. Ледстнемась алтави вейке иень авань куломантень Г.Д.Мусалев

 

Пшкадема.

Ледстнемась алтави вейке иень авань куломантень
Г. Д. Мусалев

 

*  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *

Зярдо авам кулось
Ташто Кшуманцяс,
Меельце ки лангов
Сонзэ мон ильтия.
Пингензэ печтизе
Сон тиринь велесэ.
Путынь тензэ тешкс мон:
«Свал минек седейсат!
Пиргуж инязор-цёрат».
Лангам ютась кажо,
Шкась монь туртов
ношкстась,
Превть тень кармасть
само.
Куломам неявомо
кармась.
Меельце шкатнестэ
Авам пек мелявтнесь,
Оймамо эзь сода,
Илязан икельдя
Сонзэ куломасон.
Покштянстэнь-
бабанстэнь
Кисэнь свал ознокшнось,
Кадык Пазонь койсэ
Эрямонок юты.
Озыль вальма алов
Ды ютыцятнестэ
Эйсэнь чинь-чоп
вешниль.
Тошначисэ эрясь
Чаво кудосонзо,
Прок куко куколесь,
Тердсь эйсэнь эстензэ.
Мон сакшнылинь тензэ
Ансяк таргонь ютазь.
Сыцятнень вастомсто
Кеняркс саилизе,
Секс пежетень керить
Пеельсэ седеем,
Кумажа лангс правтыть
Кисэнзэ озномо.
Зярдо шкам сы, кулан,
Калмамизь сэтьместэ
Ансяк сонзэ ваксос,
Чевтине модынес,
Рангстадо лайшема
Эрзянь обуцясо
Ды авань лемензэ
Кундынк монь
калмамстон.
Кадык тоначисэ
Тиринем-авинем
Ськамонзо а эри.
Пингень пес пачкодезь,
Сынь, оят, арсемас:
Эрязь-аштезь ваннан
Икелев-удалов,
Пшкадян эрийтненень:
Сех питней ломанесь —
Аванок-тирянок.
Вечкеде эйсэнзэ,
Пингенк перть ванстодо.