Эрзянь Мастор/2003/17/А онкставикс ёмавкс...
| ←Эрзянь Мастор-2004 | Эрзянь Мастор, № 17 (168), 12 сентября 2003 редактор Нуянь Видяз, Кшуманцянь Пиргуж А онкставикс ёмавкс... |
Йовлань Олонь лемензэ кундамо→ |
| Статья на сайте газеты: № 168, 12.09.2003, А онкставикс ёмавкс... |
| А онкставикс ёмавкс... |
Таштамковонь 7 чистэ, 19 чассто Жигулёвск ошсо од ломанть “Лада-08” машинасо тапизь авань, кона удомо мадемадо икеле лиссь ушова ютамо ды мольсь кудонзо икельга тротуарганть. Чинь ютазь, операциядо мейле авам кулось. Авам, Ерюшова (Дмитриева) Анастасия Андреевна, шачсь 1922 иестэ, сундерьковонь 7 чистэ Самара ёнксонь Серьгоскоень буень Захарка эрзянь велесэ. Прядсь 8 классонь школа да Кинель Черьказонь педучилища. Важодсь Захаркань ды рыбхоз “Отрада” школатнесэ. Трясь-кастась вете эйкакшт. Кавто цёранзо прядсть военной училищат ды академият, кавто тейтерензэ — Самарань мединститут. Сон печтясь эрямо пингензэ перть ламо стакачить, весэ седеень лембензэ, превензэ, вечкеманзо, шумбрачинзэ максынзе миненек, эйкакштнэнень. Миньгак тензэ каршо пандынек текеньсэ. Тоначив тусь алкуксонь эрзянь ава, кона вечкилизе эрзянь келенть, ванстыль эрзянь койтнень, кастыль вадря эрзянь ломанть. Калмамозо юты Жигулёвск ошсо таштамковонь 11 чистэ.
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |