Шондіӧй мамӧй
Шондіӧй, мамӧй, да дыр ӧд новлӧдлін,
Дыр ӧд новлӧдлін, часӧн рӧдитін,
Часӧн рӧдитін да, бура ӧд видзин.
Бура ӧд видзин да, ыджыда быдтін,
Ыджыда быдтін да, берба соднаӧдз.
Берба соднаӧдз да, матӧ ӧд кӧсйин,
Матӧ ӧд кӧсйин да, маті земляӧ.
Маті земляӧ, этша семьяӧ.
Этша семьяӧ да, ылӧ ӧд сетін,
Ылӧ ӧд сетін да, ылі земляӧ,
Ылі земляӧ да, уна семьяӧ,
Уна семьяӧ да, дас кыкӧд туйӧ.
Дас кыкӧд туйӧ да, нёль ая-нылӧ.
Нёль ая-нылӧ да, частӧ ӧд кӧсйин,
Частӧ ӧд кӧсйин да, менӧ видлывны,
Менӧ видлывны да, ӧти во олі,
Ӧти во олі да, тэ ӧд эн волы,
Тэ ӧд эн волы да, мӧд во ӧд олі,
Мӧд во ӧд олі да, тэ ӧд эн волы,
Тэ ӧд эн волы да, коймӧд во олі,
Коймӧд во олі да, ачым ӧд муні.
Ачым ӧд муні да, тэнӧ видлыны,
Тэнӧ видлыны да паськыд польӧӧд.
Паськыд польӧӧд да, кузь вӧраинті,
Кузь вӧраинті да, мам воча лои,
Мам воча лои да, мам нылӧс эз тӧд.
Мам нылӧс эз тӧд да, шондіӧй, мамӧй,
Шондіӧй мамӧй да, эн ӧмӧй нӧ тӧд?
Эн ӧмӧй нӧ тӧд, бӧрдӧмӧй дитяӧй,
Бӧрдӧмӧй дитяӧй, кӧні югыд вирыд?
Кӧн югыд вирыд да, плетьӧн нӧйтісны,
Плетьӧн нӧйтісны, плеть серӧн муніс,
Плеть серӧн муніс да кок улам лэччис,
Кок улам лэччис, коньӧрӧй нылӧй,
Коньӧрӧй нылӧй да, кӧн еджыд яйыд?
Кӧн еджыд яйыд — кулакӧн нӧйтіс,
Кулакӧн нӧйтіс да, кулак сермуніс,
Кулак сермуніс — кок улас лэччис.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 99 years or less since publication. |
|