Шакырес луэ сюрес (Верещагин)

by Григорий Егорович Верещагин

Шакырес луэ сюрес

Шакырес луэ сюрес;
Азбаре дӧдьы потто;
Дасяло ини кутэс,
Обине тыро культо.
Кышноос сэсто етӥн —
Дасяло соос черсон;
Черсыса пуко уин;
Тугыны сёто ыжгон.
Ӝытъёсын черсӥсь нылъёс
Огазе пукны ветло;
Мертчанзэс черсо соос,
Кырӟанзэс но кырӟало.

---

Литература

• Верещагин Г. Е.

Чагыр, чагыр дыдыке…/Сизый, сизый голубок — Ижевск: Удмуртия, 1984.—92 с. ББК 84У