Финагент Павлов (Усков)

Финагент Павлов Автор: Пётр Михайлович Усков

Источник: 84-тӥ номеро «Ленин Сюрес» газет (12-тӥ августэ 1939-тӥ аре), 4-тӥ бам

Мон юри статьяме озьы йыръясько, райфолэсь «образцовой» ужасьсэ возьматӥсько.

Та пи туж етӥз, ветлэ Поздеевской сельсоветлэн колхозъёстӥз. Отын со агитациез туж «зол», пе, нуэ, выль заёмлы котькинлы гожконо шуэ.

Быгатэ та Павлов кылыныз шалтыртыны, кылъёссэ ужен гинэ уг быгаты юнматыны. Ваньмыз колхозникъёс заёмы гожко, нош малы ачиз Павлов гожкымтэ шуыса ӝожко.

Таизлы мон но абдрасько. Соин ик зав. райфолэсь Ворончихинлэсь юасько:

— Малы заёмлы гожкымтэ Павловез колхозэ ыстӥськоды, кызьы солэн ӟеч ужамезлы оскиськоды? Трос-а тӥляд сыӵе пиосты, заёмлы гожкымтэ «агитаторъёсты?»

Мон нош озьы карысал — нырысь ик заёмлы ачим гожкысал, собере гинэ колхозъёсы потысал но агитировать карысал. Нош солэн ӧвӧл видно возьытэз, ачиз гожкытэк ӧте гожкыны колхозникез. Зав. райфо ке мон луысал, всё равно Павловез финактивысь поттысал.