— Уроме, уроме!
Кыдёке-а ветлӥд?
— Кыдёке ик, лэся,
Жади ини туж.
— Уроме, уроме!
Ку потӥд коркасьтыд?
— Та ёрсын потэм вал
Каркасьтым, гуртысьтым;
Потыкум куазие
Чилектӥз, гудыртӥз;
Потэмме шӧдыса,
Лыз валэ гырдалтӥз.
— Уроме, уроме!
Бусыын-а кӧлӥд?
— Нюк дурын, кыз улын,
Валиськи но кӧлӥ.
— Уроме, уроме!
Йыр улад ма понӥд?
— Йыролтэс интые
Пельёсы гинэ вал.
— Уроме, уроме!
Ас улад ма валид?
— Урдлые вал валес,
Шобырски кыз лысэн.
— Уроме, уроме!
Пыласькид-а бен тон?
— Пыласьки ӧжытак
Куар вылысь лысвуэн.
— Уроме, уроме!
Ӵушконэд но-а вал?
— Вал небыт ӵушконэ —
Люгылэн вож куарез.
Со куарме, ӵушконме,
Кыз улэ мон кельтӥ.
