Тӧлпериос шулало асьме вылын,
Сьӧд кужымъёс зӥбыны турттыло.
Берпумзэ жугиськыны кутским.
Мар луоз азьланяз — ум тодӥське.
Асьмеос, нокинлэсь но кышкатэк,
Жугиськон гордкышетмес ӝутоме —
Вань калыклэн каньыл улонэз понна
Кышкатэк жугиськыны мыноме!
Шудо улонэз шедьтон жугиськонэ
Ваньмы мыноме, ужась калыкъёс!
Катыса, кулса быре калык,
Весь чидаса уломы-а асьмеос?
Асьмелэсь тэгыз батыръёсмес
Кышкатэмез луоз-а кулонлэн?!
Та жугиськонын пытьытэк уз быре
Ӟеч улон понна кулэм батыръёс.
Соослэн бадӟым нимъёссы
Вань калыклы туж дуно луылоз!
Шудо улонэз шедьтон жугиськонэ
Ваньмы мыноме, ужась калыкъёс!
Ми адӟонтэм кариськом эксэйёсыз —
Курадӟись калыкез яратӥськом.
Вир юисьёсыз, узыръёсыз
Ми ваньзэс жалятэк быдтылом!
Мед бырозы узыръёс, вузкарисьёс —
Вань калыклэсь кужымзэ сиисьёс.
Огкылысь дышмонъёсыз быдтыса,
Выль дуннеез утчаны кошкылом!
Шудо улонэз шедьтон жугиськонэ
Ваньмы мыноме, ужась калыкъёс!
