Тшапмӧма
Воӧма карысь ӧбъездчик пи. Ачыс эськӧ сӧмын на ӧти тӧв велӧдчис школаад да, коми кывйыд ставыс вунӧма сылӧн. Зэв тшап, пыр рочасьӧ. Воис гожӧм. Бать шуӧ пилы: «Босьт пӧ куран, мӧдам видз вылӧ». Детиналы дыш уджавнытӧ, сійӧ шуӧ: «Мый нӧ пӧ сійӧ кураныс? Ме пӧ рочнад велӧдчигӧн ставсӧ вунӧді».
Петіс детина сарайӧ, пемыдінад тальччӧма куран юр вылад. Куран помыд ёна плешас колскис.
— Сё мокасьтӧ! Коді нӧ татчӧ курансӧ кольӧма? — зэв скӧра юалӧ детина.
— Тӧд вылад уси, — шуӧ батыс.
|
This work is in the public domain in the United States but it may not be in other jurisdictions. See Copyright.
|