Сӥзьыл (Верещагин)

Сӥзьыл Автор: Григорий Егорович Верещагин

Источник: Верещагин Г. Е. Чагыр, чагыр дыдыке… / Сизый, сизый голубок — Ижевск: Удмуртия, 1984. — С. 24.

Сӥзьыл

Уй палась лыктыло лек тӧлъёс,
Лымылэсь кезьытэсь пилемъёс.
Пиналъёс! Шунытгес дӥсяське —
Лымылэсь милем мал кышканы?
Со — мамык кадь, валес кадь небыт;
Шакырес сюресэз шобыртоз;
Дӧдьыен ветлыны кутскозы:
Итымез сузялом — кутсаськом.
Городэ нуом ю вузаны;
Вузалом но сётозы уксё;
Уксёмес нуом выт тырыны;
Выт тырса, ми мыном ӵужмортэ,
Куное сиыны-юыны.

---