Союзной Молдав Советской Социалистической Республикаез кылдытон сярысь
| Союзной Молдав Советской Социалистической Республикаез кылдытон сярысь СССР-лэн 2-тӥ августэ 1940-тӥ арын катэз |
Союзной Молдав Советской Социалистической Республикаез кылдытон сярысь
Бессарабиысь ужаса улӥсьёслэсь но Молдав Автономной Советской Социалистической Республикаысь ужаса улӥсьёслэсь Бессарабиысь молдаван калыкез Молдав АССР-ысь молдаван калыкен огазе карон сярысь мылкыдзэс санэ басьтыса но национальностьёслэн эркын азьланьсконзы сярысь советской принципен кивалтӥськыса, Советской Социалистической Республикаослэн Союззылэн Верховной Советэз пуктэ:
1. Союзной Молдав Советской Социалистической Республикаез кылдытоно.
2. Союзной Молдав Советской Социалистической Республикалэн составаз пыртоно Молдав Автономной Советской Социалистической Республикаысь Тирасполь карез но Григориополь, Дубоссары, Каменка, Рыбница, Слободзея но Тирасполь ёросъёсты, но Бессарабиысь Кишинёв карез но Бельцы, Бендеры, Кишинёв, Кагул, Оргеев но Сороки утемъёсты.
3. Союзной Молдав Советской Социалистической Республикалэн распоряженияз сётоно, общесоюзной значение басьтӥсь кӧня ке предприятиосты сяназэ, Бессарабилэн но Молдав АССР-лэн та катлэн кыктэтӥ пунктаз возьматэм территориысьтызы промышленной предприятиосты.
4. Украин ССР-лэсь Верховной Советсэ но Молдав ССР-лэсь Верховной Советсэ куроно Советской Социалистической Республикаослэн Союззылэн Верховной Советэзлы эскерыны понна проект сётыны Украин Советской Социалистической Республика но Союзной Молдав Советской Социалистической Республика куспын шонер кунгож тупатонлы.
5. Советской Социалистической Республикаослэн Союззылэн Конституциезлэн (Инъет Катэзлэн) 34-тӥ но 35-тӥ статьяосызъя Советской Социалистической Республикаослэн Союззылэн Верховной Советаз Союзной Молдав Советской Социалистической Республикаысь депутатъёсты быръёнъёс ортчытоно.
6. Советской Социалистической Республикаослэн Союззылэн Верховной Советэзлэн Президиумезлы косоно бырйиськонъёслы нунал тупатыны.
СССР-лэн Верховной Советэзлэн
Президиумезлэн Тӧроез
М. КАЛИНИН
СССР-лэн Верховной Советэзлэн
Президиумезлэн Секретарез
А. ГОРКИН