Советской Социалистической Республикатнень Союзонь Конституциясь (1936)/1938.01.15/08

←

Советской Социалистической Республикатнень Союзонь Конституциясь (1938)
СССР-нь Верховной Совет, edited by Учаев Д., Зубов И., Лукьянов П.

VIII Глава

IX Глава

→

Советской Социалистической Республикатнень Союзонь Конституциясь (Основной Законось). Мордгиз, 1938, Саранск. — с. 30—31

153047Советской Социалистической Республикатнень Союзонь Конституциясь — VIII Глава1938СССР-нь Верховной Совет

[ 30 ]

VIII ГЛАВА

Государственной властень местной органтнэ

94 СТАТЬЯ. Крайтнесэ, областьнесэ, автономной областьнесэ, округтнэсэ, районтнэсэ, оштнэсэ, велетнесэ (станицатнесэ, деревнятнесэ, хутортнэсэ, кишлактнэсэ, аултнэсэ) государственной властень органокс аштить трудицянь депутатнэнь Советнэ.

95 СТАТЬЯ. Краень, областень, автономной областьнень, округонь, райононь, ошонь, велень (станицань, деревнянь, хуторонь, кишлаконь, аулонь) трудицянь депутатнэнь Советнэнь кочкить те краень, областень, автономной областень, округонь, райононь, ошонь, велень трудицятне кавто иень шкас.

96 СТАТЬЯ. Трудицянь депутатнэнь Советнэс представительствань норматне аравтовить союзной республикатнень Конституциятнесэ.

97 СТАТЬЯ. Трудицянь депутатнэнь Советнэ ветить руководства сыненст подчиненной управлениянь органтнэнь деятельностьсэст, обеспечивают государственной порядоконь ванстоманть, законтнэнь топавтоманть ды граждантнэнь праваст ванстоманть, ветить руководства местной [ 31 ]хозяйственной ды культурной строительствасонть устанавливают местной бюджет.

98 СТАТЬЯ. Трудицянь депутатнэнь Советнэ тейнить решеният ды макснить распоряженият сеть праватнень пределтнэсэ, конатне сыненст максозь СССР-нь ды Союзной республикань законтнэсэ.

99 СТАТЬЯ. Краень, областень, автономной областень, округонь, райононь, ошонь ды велень трудицянь депутатнэнь Советнэнь исполнительной ды распорядительной органокс аштить сынст ёндо кочказь исполнительной комитетнэ, составсо: председатель, сонзэ заместительть, секретарь ды члент.

100 СТАТЬЯ. Велень трудицянь депутатнэнь Советнэнь исполнительной ды распорядительной органокс аволь покш поселениясо, союзной республикатнень Конституцияст марто соответствиясо аштить сынст ёндо кочказь председатель, сонзэ заместитель ды секретарь.

101 СТАТЬЯ. Трудицянь депутатнэнь Советнэнь исполнительной органтнэ видьстэ подотчетнойть, кода трудицянь депутатнэнь Советэнтень, кона сынст кочкинзе, истя жо вышестоящей трудицянь депутатнэнь Советэнь исполнительной органонтень.