Эк-эк-эк, нылы-пие!
Куректон милем лыктӥз.
Ми таӵе куректонэз
Та дырозь ӧм тодэ на;
Ӧжытак но со сярысь
Малпанмы ӧвӧл на вал.
Гуртамы висён лыктӥз —
Мумыды тӥляд кулӥз.
Кызьы улом табере?
Ма каром, пиналъёсы?
Кин сиён пыжоз-пӧзьтоз?
Кин черсоз, дэра куоз?
Кин дэрем тӥлед вуроз,
Кышъялоз, дӥсьтэс миськоз?
Апайды тӥляд ӧвӧл,
Ачидэс тӥ пичиесь.
Эк-эк-эк, нылы-пие!
Куректон милем лыктӥз.
