Священная история Ветхого и Нового завета (1880)/В/Новый/50
50. Іисусъ Христозонь куломадонзо.
Іисусъ Христозонь крёстъ лангсъ обѣдъ (пелечи) порасто чавизь. Сестэ чизэ другъ чопулгадозь, пекь чопуда теевсь; чизэ колмо часто кувать (ламо) чопудасто ащесь. (Еврейксъ ловомксъ котоце чайстэ вейксэцесъ, минекъ тесэ ладсо ловомсъ: кемкавтовосто колмоце часосъ). Обѣддэ мейле колмоце чайстэ Іисусъ Еврейксъ пышкадсь (сергедсь): „Или! Или! лима савахвани“! Эрзясъ истя улить неть валтнэ: „Вай, Пазомъ! Пазомъ! мейсь Тонъ Монь кадымекъ“. Сесэ конатъ, Еврейксъ асодыця ломатне «вана», мерить, «Сонъ Иліянь терди»! Ліятъ мерить: „ваносынекъ, кода Илія Сонзо идемензэ сы“! Теде мейле Іисусъ „симемъ сась“! мерсь. Сестэ ве салдатъ губка уксусосъ навась да, [ 135 ]палка песъ путозь, Іисусонь кургонзо ваксъ кандызе. Іисусъ, уксусонть аламо кургозонзо саезь, мерсь: „ней весе топодсь“! Аламосъ чатменезь кеместэ сергедезь мерсь: „Тятинемъ! Тонь кедеть лангсъ макснеса оймемъ“! Прянзо поводизе да оймезэ лись. Сонзо оймезэ лисемстэ масторъ соракадсь, кевть лазновсть, церкувасонть Святая Святыхъ явозь ащиця занавѣскась верде аловъ шачкъ лазовсь (сезевсь), кандолазтнэ штатозь, ламо святойть ломать велместь; сынь Христозонь велмемадонзо мейле Іерусалимсэ ламо ломаннень, появазь, неявкшность. Каравулиця салдатнэнь прявтостъ (сядо ломань лангсо Логинъ лемсэ прявтъ) мартонзо улезтне якъ мерсть: „Сонъ правдэйксъ, несакъ, Пазонь Цёразо ульнесь“. Сесэ ульнезь ломатне чатменезь эсь кудовастъ тукшность; сынь тандадозь эсестъ грудьсъ кулаксостъ чавсть.
Те пецянть чокшне Іудейтне Пилатнэнь, сазь, ёвтасть: „вандо суббота, минекъ покшъ праздникенекъ, Инечи (Пасха); тень кувалтъ кулозтнень тѣластъ вандонь чине крёстъ лангсо кадомсъ апаро; крёстъ лангсто саевтить сынстъ, а коле коната эзь кулокъ, севатень конилька ловажанзо янгавтыть (синтревтить)“. Пилатъ сынстъ валостъ кулцонынзе да салдатъ кучсь. Салдатнэ, товъ молезь, кавнескъ разбойниктнень, конилька ловажасъ янгазь, маштызь, Іисусонь гакъ конилька ловажанзо янгамо хотѣли. Сынь малазонзо сазь, ваныть — Сонъ ужъ кулось; Сонзо конилька ловажанзо эзизь токакъ, аньсякъ ве салдатось Сонзо боканзо копьясо лазызе. Кодакъ лазызе сонъ, лазозь таркастонть верь да ведь чудсь. (Тесэ якъ Св. [ 136 ]Писаньянь валонзо топодсть: „Сонзо ловажазо а янгави; Кинь лазызь, лангозонзо ваномо кармить“).