Священная история Ветхого и Нового завета (1880)/В/Новый/44
44. Іисусъ Христосъ Геѳсиманской садсо.
Кода Геѳсиманской садсъ совасть, Іисусъ Христосъ Эсензэ тонавтницятненень мерсь: „Петра, Іаковъ, Іоаннъ адядо мартомъ, а тынь тескъ уледе, Монъ озномо молянъ“. Кода ломантеме таркасъ састь, Сонъ мартонзотненень мерсь: „тынь тесэ Монь мартомъ уледе, илядо удокъ“. Сынстъ эйстэстъ авуль васовъ туезь, Сонъ, масторовъ чаманзо лангсъ празь, ознось. Сонъ озномсто кортась: „Вай, Монь Тятинемъ, коле можна ули, Монь вакска ютазо те чашась! Авуль истя улезэ ина, Тятинемъ, кода Монъ хочу, кода Тонстеть эряви, ина истя Тонсеть олятъ кувалъ улезэ“! Кода мекевъ мурдась тонавтницятненень, ваны сынь [ 124 ]удыть. Сонъ мерсь тенстъ: „эле тынь ве часнэ якъ Монь мартомъ апакъ удокъ ютавтомо а киртядо? Илядо удокъ, ознодо: сатана кенгелеменкъ илязо терявтъ: ойме знярдо якъ а нувси, а тѣланкъ війтеме“. Мейле, эйстэдестъ ве ёновъ туезь, омбоцеде озномо кармась. Теде мейле, тонавтницятнень ваксъ мекевъ сазь, ваны сынь одовъ удомо кармасть. Сонъ, сынстъ кадозь, колмоцеде озномо кармась. Сонъ пекъ усерднасто ознось: верень ливизь кармась лангстонзо масторовъ кольгеме. Сестэ Пазонь Ангелъ, появазь кемекстызе Сонзо. Тонавтницятнень ваксъ колмоцеде сазь, Іисусъ мерсь: „тынь яла удотадо ищо. Ломанень Цёранзо кундатозь пежетевтнень кедсъ максовтома шказо сась. Стядо, мольдянокъ. Воно Монь міицямъ тей эль пачкоди“.
Се шкане Іуда садсъ совась; мартонзо ламо салдаттъ да архіерейтнень слугастъ; сынстъ конатастъ кедсэ толъ, конатастъ кедсэ сабля, конатастъ кедсэ колья ульнесь.
Тей самсто Іуда ёвтась тенстъ: „Кинь“, мери, „монъ кутмордазь, паласа, тынь Севатень кундадо“. Іуда, Іисусонь ваксъ сазь, палызе, да мерсь Тензэ: „шумбрасто эрякъ, Тонавтыцямъ“! Іисусъ мерсь тензэ: „Іуда! эле тонъ Ломанень Цёранть паламотъ эйсэ макснесакъ“ (микшнесакъ)? Кода салдатнэ Іисусонь саемнзо кисъ малавъ састь, сестэ Сонзо тонавтницянзо мерсть Тензэ: „Тонавтыцянокъ, сынстъ саблясонокъ керсеместъ акундамсъ ле тенекъ“? Симонъ-Петръ, саблянзо саезь, архіереень ве Малха лемсэ слуганзо видь пилензэ керизе. Іисусъ Петранень ёвтась: [ 125 ]„путыкъ“, мери, „сабля кудозотъ саблятъ: саблянь кепедиця сонсь саблядо кулы“. Мейле Малхань, пилезэнзэ токатозь, пилензэ віемтизе. Салдатнэ, Іисусонь перканзо промозь, садстонть видстэ Анна лемсэ прявтъ священникнэнь саизь. Аннась Каіафа лемсэ прявтъ (Каіафа Аннанть содамозо ульнесь) священникень козяйканзо тятязо ульнесь. Іисусонь тонавтницянзо, салдатнэнь Эйсэнзэ саеманзо неезь, тандадсть да весе сратсть. Петра марто Іоаннъ аньсякъ Сонзо мельганзо васолдо ванозь молсть.