Священная история Ветхого и Нового завета (1880)/В/Новый/37
37. Роспутной цёрадо ёвталмо.
Іисусъ Христосъ ёвтась ве ёвталмо. «Эрясь айшсь», мери, «ве ломань. Сонзо улнесть кавто цёранзо. Весть веженсь цёразо «явомакъ монь, тятяй: дай темъ монсемь частемъ», мерсь. Тятязо явизе веженсь цёранзо, максь тензэ зняро эряволь ули пародонзо. Веженсь цёрась, аламо шка эрязь, весе ули паронзо пурнызе да васовъ, лія масторсъ эрямо тусь. Сонъ лія масторсонть, берянстэ эрязь, ули паронзо весе ёмавтлизе. Седе мейле се масторсонть сюро эзь шачтъ, амезде улсь тензэ симемсъ, ярсамсъ: мезезэ якъ эзь кадовтъ. Сонъ вейке се масторонь ломаннень молсь. Се ломанесь сонзо эсь паксязонзо тувонь ваномо кучизе. Сонъ тувотне марто вейсэ ярсамо кармакшнось, мейле тувонь коромонть какъ эсть кармакъ тензэ макстнеме. Неи сонъ эрямозо пекъ берянь: вачодо эль кулы. „Месть ней темъ тейнемсъ“? думи. Мейле эсь тятязо мелезэнзэ ледсь. „Знярошка“, мери, „рабутникть монь тятянь кедсэ эрить; сынь весе пекестъ пешкедемсъ кшеде ярсыть, а монъ тесэ вачодо эль куланъ. Туянъ тестэ, молянъ эсемъ тятянень да мерянъ тензэ: „тятяй, монъ тонь каршотъ и менелень каршо пекь ламо пежетть тейнинь; монъ тонь цёраксъ прямъ ёвтлеме ней виздянъ, пелянъ; цёрамъ иля мернекъ ней темъ. Саемакъ монь, тятяй, эстеть рабутникексъ“... Сонъ сайсь да тятянстэнь тусь. Тятязо сонзо васолдо неизе, каршозонзо чіезь молсь, кутмордызе да палсемензэ кармась. Цёразо мерсь тензэ: „тятинемъ, монъ ней [ 115 ]эсь прямъ тонь цёраксъ ловомо виздянъ, пелянъ: монъ менелень да и тонь каршотъ пекъ пежетеинь“... Тятязо сонзо кортамодонзо лоткавтызе да слуганстэнзэ мерсь: „кандодо ёнъ одюжа тензэ, оршинкъ парынестэ, кедезэнзэ максодо сурксъ, пилгензэ якъ карсинкъ. Куялгавтозь вазъ печкеде: симеме, ярсамо карматанокъ: монь те цёрамъ кулокшнось — велмесь, ёмакшнось — муевсь“. Симеме, ярсамо, радувакшномо кармасть. Атянть покшъ цёразо паксявъ робутамо якась се шкане. Кода сонъ кудовъ сась, кудосостъ моротъ, эрва кода радувакшоматъ марязь, ве слугастъ тердизе да кевстизе: „мезень кисъ“, мери, „минекъ кудосонокъ истя, моротъ моразь, радувакшныть“? Слугась ёвтась тензэ: „братотъ тонь мурдась; тятятъ мекевъ сонзо самонзо неезь радувась да куялгавтозь вазъ печкевсь“. Покшъ цёразо кежіявсь да кудосъ какъ эзь совакъ. Тятястъ лись да кудосъ тердеме кармась эйсэнзэ. Сонъ тятянстэнь мерсь: „зняро іеть ней мартотъ эрявъ, а тонь ве валотъ какъ апакъ кулцонокъ эзія кадно. Тонъ эсемъ ялгамъ марто симемань, ярсамонь кисъ печкеме сея левкскине якъ эзить макстне темъ. Сась вана ней ули паротъ, берянь тевъ мельга яказь, ёмавтниця цёратъ, тонъ сонзо кисъ куялгавтозь вазъ печкить“! Тятястъ мерсь тензэ: „цёрамъ! тонъ эрва знярдо монсемъ марто, меземъ ули, весе тонь. Братотъ кисъ радувакшномсъ эряви: сонъ кулокшнось — велмесь, ёмакшнось — муевсь“.