Священная история Ветхого и Нового завета (1880)/В/Новый/32
32. Ёвталмо вадря инязородо да авадря ломаньде.
Весть Петръ Іисусъ Христозонь кевстизе: „Тонавтыцянокъ! коле ки монь каршомъ пежеть теи, знярошка разтъ сонзо простямонзо можна? Сисемшка разтъ можна простямонзо“? — „Сисемень сиськемень разтъ простямсъ можна мерянъ тенкъ“, мерсь Іисусъ. Мейле Іисусъ мерсь тенстъ: „кулцонодоякъ. Монъ заемъ максниця ломанде ёвталмо ёвтанъ тенкъ. Эрясь, айшсь инязоро. Весть ветясть тензэ ве ломань. Се ломанесь инязоронть кедстэ кемень тысячатъ талантъ (25800000 валкстъ) заемъ саекшнесь, а пандомсъ тензэ амейсэ ульнесь. Инязорось долгонть саемань кисъ се ломаненть эсензэ, козяйканзо, эйдензэ какшонзо, ули паронзо марто вейсэ міемзэ кармавсь. Сестэ се ломанесь, инязоронть икелевъ конилька лангсъ празь, инялдозь истя кортась: „Инязоро паро чимъ! кирдь аламодо, учомакъ, монъ весе долгонть пандса тенть“. Инязорось жализе сонзо, нолдызе да весе долгонзо якъ простизе тензэ. Те ломаненть инязоронь кедстэ лисемстэнзэ икелень ве ялгазо каршозонзо понгсь. Се ялгась кедстэнзэ сядо динаріятъ (21 р. 50 к.), саезь, эзинзэ пандокшнокъ. Сонъ се ялганть, сиведензэ саезь, [ 109 ]чавомонзо кармась: „максыкъ“, мери, „монень долготъ“! Сестэ ялгазо, икелензэ конилька лангсъ празь, инялдсь тензэ: „учомакъ аламодо, весе долгонть максса тенть“. Се ломанесь ялганзо темницясъ пекставтызэ: аламошка якъ учомазо эзь сакъ несакъ. Ліятъ ялганзо сонзо лангсъ пекь кежіявсть: сынь сайсть да инязоронтень ёвтасть. Сестэ инязорось се ломаненть тердизе да корты тензэ: „тонъ, берянь ломань, мезе теить! монъ тенть весе долготъ простія: тонъ пекъ инялдыть темъ. Тонеть какъ эсь ялгатъ туртовъ долгонзо простямсъ эряволь“. Инязорось лангозонзо кежіявтозь палачонь кедь лангсъ максызе: весе долгонзо пандовомсъ муцямонь кисъ. Менельсэ Тятянкъ какъ истяжа теи мартонкъ, коле тынь ліятъ ломатнень пежестестъ простямо а карматадо“.