Священная история Ветхого и Нового завета (1880)/В/Новый/30
30. Хананеясто ве авань азарсь тейтерензэ віемтемадо.
Ве шкане Іисусъ Христосъ Тиръ марто Сидонъ ваксо таркатненень молсь: Сонъ тесэ „ойманъ“, думась. Тесэ якъ эзь оймавтъ Сонъ: Сонзо тей самодонзо идолнэнь сюкунякшниця хананеень ве ава содызе; сонзо тейтерезэ азарсь улнесь. Авась кодакъ неизе Іисусонь „Ломань Паро Чи, Давидэнь Цёразо, жалямакъ монь! Монь тейтеремъ азаргадсь; віемтикъ сонзо“, мерезь инядсь. Іисусъ валъ гакъ эзь отвѣчакъ тензэ. „Тонавтыцянокъ, віемтикъ сонзо тейтерензэ, несакъ сонъ мельганокъ апакъ лоткакъ сеери“, мерезь, кортасть Тензэ тонавтницянзо. Сонъ ёвтазь: „Монъ“, мери, „кучозянъ Израилень ёмазь реветнень кисъ аньсякъ“. Се шкане хананеень авась малавъ сась; сонъ, Іисусонь пильгсъ сюкунязь, „Ломань Паро Чи, посублякъ темъ“! кортась. Іисусъ Христосъ мерсь тензэ: „кадыкъ эйкакштнэ пешкедестъ икеле: кше эсеть эйкакштнэнь кедьстэ норгозь кискатненень (пинетнень) ёртомсъ а ёнъ“. Авась мерсь: „се истямось истя, да кискатне якъ эсь кудазоростъ столь лангсто певериця паморькстнэде прястъ трить“. Іисусъ мерсь тензэ: „ава паро [ 107 ]чи! кода тонъ кеместэ кематъ, истя улезэ тенть: азе ней кудовъ: тонь тейтереть потсто нечистой духось лись“. Кудовъ мурдазь авась тейтерензэ шумбрасто, превейстэ муизе.