Священная история Ветхого и Нового завета (1880)/В/Новый/24
24. Наинсэ дова бабань цёранзо велмевтемадо.
Іисусъ Христосъ Эсь тонавтницянзо марто Наинъ лемсэ городсъ тусь. Сонзо мельганзо ламо народъ молсь. Сонъ городонть ортанзо лангсъ эль пачкодемстэ, каршозонзо ламо ломать кулозь одъ цера калмамо кандылть; мельганзо пекъ авардезь дова баба молиль. Кулозесь дова бабанть теке вейкине эйдинезэ ульнесь. Христознэнь дова бабась пекь жаль неявсь. Сонъ мерсь тензэ: «иля авардь»! Мейле, кулозенть малавъ сазь, кандоластнэнь лангсъ кедензэ путызе. Кода кандыцятне лоткасть, Сонъ мерсь: «одъ цёра, стякъ мерянъ тенть»! Кулозесь кандоластнэ лангсо озась да кортамо кармась. Сонъ аванстэнь вельмезенть саемензэ мерсь. Авазо цёранстэнь пекъ радувась; сесэ улезь ломатне, весе пекъ тандадозь, Пазонь шназь, кортасть: «Пазъ эсь народонзо содавтызе: покшъ пророкъ кучсь тенекъ».