Священная история Ветхого и Нового завета (1880)/В/Новый/12
12. Дьяволонь Іисусъ Христозонь содамонзо терявтомадо.
Іисусъ Христозонь Святой Духъ лемдемадонзо мейле пустынясъ ветизе. Христосъ тесэ ниленькемень чи ниленькемень ве апакъ симть, апакъ ярсакъ Пазнэнь ознось. Неть читне ютамодо мейле, Сонзо пекезэ вачомо кармась. Сестэ, Христозонь кирдеманзо содамонь кисъ, Тензэ дьяволъ сась да корты: «коли Тонъ Пазонь Цёразо, неть кевтненень кшексъ велявтомо мерть». А Іисусъ сень лангсъ мерсь тензэ: «Писаньясо ёвтазь ули: «ломанень авуль ве кшесэ аньсякъ пекезэ пешксе улеме карми: сонзо пекезэ Пазонь, кургстонзо лисиця, эрва валсонзо пешксе улеме можетъ». Мейле дьяволъ Христозонь мелензэ коламонь кисъ, церкува прясъ кепедезь, мерсь Тензэ: «коли Тонъ Пазонь Цёразо, кирнавтъ тестэ аловъ: Писаньясо ёвтазь ули Тондеть: «Пазъ Эсь Ангелонзо туртовъ тонь ваномотъ кармавсь; Тонь пельгеть какъ кевсъ а эшкевить». Сестэ Іисусъ мерсь тензэ: «истяжа Писаньясо ёвтазь ули: «а эряви таркасо Пазотъ кедстэ мезіякъ иля терявтнекъ вешеме». Мейле дьяволъ Христозонь мелензэ коламонь кисъ, сэрей пандо прясъ витизе (кандызе). Тесэ дьяволъ, масторъ лангсо весе царстватнень, сынстъ славастъ невтезь, мерсь Тензэ: «коли Тонъ монень сюкунятъ, [ 85 ]нень весе Тонеть макссынь». Сестэ Іисусъ тензэ мерсь: «оргодть Монь эстэмъ, сатана! Писаньясо ёвтазь ули: «эсеть Пазотъ туртовъ сюкунякшнокъ, аньсякъ Сонзо ськамонзо туртовъ служакъ (тейть)». Теде мейле Ангелтъ кармасть служамо Тензэ, а дьяволъ тусь Эстэдензэ.