Священная история Ветхого и Нового завета (1880)/В/Новый/09
9. Вишка эйкакшкеть чавномадо.
Иродъ волхватнень мекевъ мурдамостъ учось, учось, эзь учовтъ. Мейле сонъ чаркодсь — сынь сонзо манизь, лія кіява кудовъ тусть; сонъ, пекъ кежіявтозь, салдаттъ пурнась. Сынстъ Виѳлеемсъ, Виѳлеемъ ваксо таркатненень кучинзэ. Салдатнэнень 2 іеде вишкине цёра эйкакшкетнень маштнеместъ кармавсь. Сестэ салдаттнэ кемьнилее тысяча (14000) эйкакшкеть маштнесть. Иродъ думась: «сеть ейкакшкетнень марто Іисусъ какъ понги, чавови». Іосифнэнь веть онстнэнзэ Ангелъ, появазь, мерсь: «стякъ, Эйкакшонть Аванзо марто, саезь, оргодть Египетсъ; тосо монь, одовъ появазь, ёвтамозомъ эрякъ». Іосифъ Ангелонь валонзо кувалтъ тейсь: сонъ Египетсэ Иродонь куломазонзо эрясь. Сестэ Ангелъ, одовъ появазь, Іосифнэнь мерсь: «мекевъ азе ней эсь масторозотъ». Іосифъ, Іудейсъ сазь, марясь тесэ Иродонь цёранзо Архелаень инязороксъ эрямодонзо. Сонъ Виѳлеемсэ эрямо эзь кармакъ, Галилеясо Назаретъ городсъ тусь. Іисусъ Назаретсэ колонькемень іесъ эрясь. Іисусто Назоретсэ куватьсъ эрямонзо кувалтъ Іисусъ Назорей мерить.
[ 82 ]Іисусъ каснесь, превсэнзэ кемекстазь, Пазонь благодатезэ Сонзо Марто ульнесь. Весть Іисусъ, кода кемькавтово іензэ топодсть, Іосифъ марто, Аванзо Марія марто, Инечинь Іерусалимсъ молсь. Тесэ церкувасо учительтнень марто истя содазь да превейстэ кортнесь Сонъ, — сынь Сонзо кортамонзо да превензэ лангсъ ванозь пекъ дивасть.