Священная история Ветхого и Нового завета (1880)/В/Ветхий/53

←

→

Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 72—73

204897Священная исторія Ветхаго и Новаго завѣта на эрзянскомъ нарѣчіи — Священная исторія Ветхаго завѣта. 53-це глава.1880by Юртовъ, Авксентій Филипповичъ

[ 72 ]

53. Іудейтнень Вавилононь плѣнстэ мурдамодо мейле эрямодостъ.

Киръ инязоро Іудейтненень мерсь: «конатанкъ желаятадо, эсенкъ масторсъ мурдадо да Пазонкъ туртовк церкува путодо». Ламо Іудейть эсь масторозостъ мурдасть да Іерусалимсэ икелень Соломононь церкуванть таркасъ одъ церкува путсть. Сынстъ эрямостъ Персидской инязоротнень кедестъ ало эрямсто паро ульнесь. Сынстъ эсестъ инязоростъ араселть; лангсостъ прявтоксъ прявтъ священникъ ульнесть. Васеньсе прявтъ священникестъ Ездра лемсэ ульнесь. Ламо аламо эрязь Іудейтне Александръ Мекедонскоень кедь аловъ понгсть: сонъ, войнасо сазь, Персидской царстванть изнязь, весе Персидской инязоронть кедензэ ало мастортнэнь эстензэ саинзе.

Александръ Македонскоень куломадо мейле Іудейтне Египетской инязоротнень кедестъ ало эрясть. Се шкане Египетсэ ве инязоронть лемезэ Птоломей Филадельфъ ульнесь. Сонъ Еврейтнень весе священной книгастъ эсензэ кельсъ сёрмадомо кармавсь. (Сонъ сонсь Грекъ ульнесь). Неть книгатнеде сиськемень толковникень книгатъ мерить: сиськемень Іудеень атя Евреень кельстэ Грекень кельсъ сёрмадсть эйсэстъ. Меелсь пелевъ Грекень кельстэ неть Ташто Закононь книгатнень Славянской(^[1]) кельсъ сёрмадызь.

[ 73 ]Теде мейле, аламо шка ютазь, Іудейтне Антіохъ Епифанонь кедь аловъ понгсть. (Сонъ Сиройской инязоро ульнесь). Антіохъ Епифанъ Іудейтнень идолтнэнень, озксонь кантлезь, сюкунякшномо кармавтлесь. Идолнэнь эсть сюкунякшно аньсякъ сисемьненскъ братильникъ Маккавеень цёратъ эсь авастъ Соломія марто да тонавтыцястъ Елеазаръ лемсэ атя марто. Тень кисъ Антіохъ Епифанъ сынстъ весеместъ, конань кода, конань кода, маштневтинзе.

Іудейтнень ютксо Маккавеень родсто ве Іуда лимсэ ломань ульнесь. Іуда Маккавей, ламо Іудейть пурназь, Антіохонь изнизе да Іерусалимстэ весе авуль Іудейтнень панинзе; церкуванть парынестэ ванськавтызе; эйсэнзэ икелень ладсо Пазнэнь озксонь каннеме кармасть. Маккавейтнень родостъ Іудейтнень лангсо покшъ прявтоксъ се шкамсъ ульнесь, кода Римской народъ, воевазь весе масторъ лангсо царстватнень изнязь, эсестъ кедестъ аловъ саизь. Сестэ же Іудейтне якъ сынстъ кедь аловъ понгсть. Римской инязоро Іудейтнень лангсо инязороксъ Идумеень племасто (Исавонь племасто) Иродъ лемсэ ломань путсь. Самой те Иродонть пингстэ масторъ лангсо весе ломатнень Идиця Іисусъ Христосъ шачсь.

↑ (*) Минекъ неень церковнойть книгатне Славянской кельсэ сёрмадозь.

[1] (*) Минекъ неень церковнойть книгатне Славянской кельсэ сёрмадозь.

[1]