Священная история Ветхого и Нового завета (1880)/В/Ветхий/47
47. Елисей пророкто.
Ве таркасо Веѳиль ваксо Елисей пророконь каршо ламо озорникъ цёринеть лисезь насмѣхъ тейнесть. Елисей пророкъ мерсь тенстъ: «истя сыре ломань лангсо пейдеманкъ кисъ Пазъ наказыдизь»! Сескэ вирстэ кавто овтъ лисезь ниленькемень цёрине сезнесть.
Ве дова баба Елисейнень сась да корты тензэ: «монь мирдемъ кулось, сонъ долгъ пандомо кадсь. Сеть заемъ максыцятне долгтнэ кисъ монь цёратнень робутникексъ саеме хотятъ. А долгонть пандовсъ темъ амейсэ ней». Елисей кевстизе сонзо: «арась-ли мезеть какъ тонь міеме»? Сонъ ёвтась: «монь ве вишка кукшиннэ оемъ ули. Се ойденть лія меземъ гакъ арась». Елисей мерсь тензэ: «шабратнень кедстэ эрва кодамо посуда пурнакъ. Сеть посудатнень эсеть кукшинстэнть ойсэ пешти». Дова бабась се кукшинэстэнть эсензэ весе чаво посудатнень, шабрасто саезь посудатнень какъ ойде пешксе пештинзе. Се оенть микшнизе. Сеть ярмактнэ эйсэ мирдензэ долгонзо пандынзе да эстензэ якъ эйкакштнэ марто эрямо сатышка ярмактъ кадовсть тензэ.
Сирійской масторсо инязоронь ве Нееманъ лемсэ военной начальникезэ ульнесь. Се начальникесь проказа ормасо сэредсь. Сонзо робутницязо (сонъ Еврейка ульнесь) мерсь тензэ: «азе тонъ Израильской масторсъ. Тосо Елисей лемсэ пророкъ ули; сонъ тонь ормадотъ віемттянзатъ». Нееманъ, Израильской масторосъ сазь, Елисей пророкнэнь молсь. Елисей Нееманнэнь эсь слуганзо троксъ истя ёвтамо мерсь: [ 65 ]«азе, Нееманъ, Іорданъ лейсъ сисемъ разтъ чопавть: орматъ кадтанзатъ». Нееманъ Елесей лангсъ кежіявтокшнось: «эле», мери, «минекъ масторсонокъ лейтнень ведестъ Іорданонь ведьтензэ седе берять»! Мейле, эсензэ слугатнень кулцонозь, Нееманъ Іорданъ лейсъ сисемь разтъ чопавтнесь. Кодакъ сонъ меельсе разтъ лейстэнть чопавтезь лись, ормадонзо сескэ ванськадсь. Елисейнень віемтеманзо кисъ Нееманъ пекъ ламо питнейть гостинцятъ кандокшнось, да Елисей мезіякъ эзь сайть кедстэнзэ.
Елисеень Геезій лемсэ слугазо ульнесь. Сонъ Нееманонь ки лангсо сасазь лоткавтызе. Геезій кенгелезь мерсь Нееманнэнь: «Елисей эсензэ ней сазь тонавтницятне кисъ кедстэть вейшсь таго зняро сіянь ярмактъ да кавто паратъ одюжа вейшсь». Нееманъ Геезійнень весе, мезе сонъ вейшсь, максь. Геезій Нееманонь кедстэ мезе тензэ эряволь саеезь кудовъ туинзе да кекшинзе. Елисей пророкъ Геезійнень истя мерсь: «Геезій, мондемъ истя салава тейнематъ кисъ, Нееманонь ормазо тонеть педи». Кодакъ истя мерсь Елисей, — Нееманонь ормазо Геезійнень педясь. Елисеень куломадонзо мейле ве іе ютазь, ве кулозь ломанень калмамо кандылть. Кандыцятне, таго мезде тандадозь, куловонть (кулозенть) Елисей пророконь кандолазонзо лангсъ каизь да сынсь оргодсть. Кулозезь Елисеень тѣлазонзо эшкевемадо вельмесь.