Священная история Ветхого и Нового завета (1880)/В/Ветхий/37
37. Саулонь инязороксъ путомадонзо.
Веніаминэнь родсто Кисъ лемсэ ве ломанень осёлонзо ёмасть. Сонъ эсензэ Саулъ лемсэ цёранзо марто слуганзо кучинзе сынстъ вешнеместъ. Сынь осёлтнэнь вешнесть, вешнесть эзизь мукъ. Мейле сынь Силомъ городсъ Самуилъ пророкнэнь осёлтнэде кевстеме састь. Самуилъ пророкъ Пазонь ёвтамонзо кувалтъ сонзо самонзо училь ужъ. Саулъ мейсь тензэ самонзо ёвтызе. Самуилъ ёвтась тензэ: „тынкъ“, мери, „осёлонкъ кудовъ сынсь сыть“.
Мейле Самуилъ сынстъ ильтеместъ паксявъ лись да кавнескъ аньсякъ кадовозь (Саулонь слугазо икелевъ тусь) ёвтась тензэ: „вана“, мери, „цёрамъ, Пазъ тонь эйсэть Израилень лангсо инязороксъ путнетянзатъ. Ванокъ ва, цёрамъ, парсте Паздо пелезь да Сонзо валонзо кувалтъ эрякъ: кулцономонзо а карматъ, мекевъ валттанзатъ“. Теде мейле Самуилъ Саулонь прясъ святой елей каясь (валсь): истя сонзо инязороксъ путызе. Кодакъ инязороксъ путызе, сескэ Саулонь лангсъ Святой Духъ валгсь да сонъ гакъ пророчамо кармась.
Саулъ васня Пазонь кулцонозь эрясь, а мейле акуватьсъ эрязь Пазонь кулцономонзо эсе кармакъ. Весть Пазъ Саулнэнь Самуилъ пророконь сазь азксонь кандомазонзо война эзь меркшнекъ сыргавтнеме. Саулъ Самуилонь самонзо эзь учокъ: сонсь Пазнэнь озксъ кандсь да воевамо кундась. Пазъ истя акулцономанзо кисъ ёвтась тензэ: „тонь эйсэть инязоросто валттанъ да тарказотъ лія ломань путанъ“. Теде мейле Саулонь эйстэ Пазонь Духозо тусь, кадызе сонзо; [ 53 ]сонъ тошналгалеме кармась да мелявтомо: сонзо потсъ берянь (аваньксъ) духъ совась.