Священная история Ветхого и Нового завета (1880)/В/Ветхий/25
25. Моисеень Египетстэ оргодемадонзо.
Моисей покшсто касозь, эсь племанстэнь Еврейтненень Гесемской масторсъ яксекшниль. Весть истя ваны сонъ ве Египтянинъ чумовтомо Евреень чави. Моисей Египтянинэнть вачкодезь маштызе да песоксъ, кіякъ илясо некъ мерезь, калмизе. Омбоце чистэ Моисей ваны кавто Еврейть сёвныть. Сонъ сынстъ кардамостъ кармась, а сынь тензэ „ки тонь“, мерить, „минекъ лангсонокъ прявтоксъ путынзеть? Эле кода исякъ Египтянинонть маштыкъ, миненакъ истяжо маштомонокъ арсятъ“? Сонъ тень маризе да фараондо пелезь Мадіамской масторсъ оргодсь: фараонъ сонзо, Египтянинэнь маштомадонзо марязь, эсензэ якъ маштомонзо пурнакшнось. Моисей Мадіамской масторсонть Іофоръ лемсэ священникень кедсэ ниленькемень іеть эрясь. Сонъ священникень Сепфора лемсэ тейтерензэ эсь экшезэнзэ саизе. Сепфора кавто Гирсамъ да Еліезеръ лемсэ цёратъ шачтсь.