Пиштса лыктӥсь улонлэн мон
Азьветлӥсез луисько,
Ву юись кадь чебер эрик
Ӝужанъёсыз ивортско.
Аслам паськыт пельпумъёсам
Вань дуннеез кутӥсько,
Кужмо, ӟырдыт, таза сюлмам
Гудриосыз кылдытско.
Пӧсез кезьтэн, кезьтэз пӧсен.
Мыл потэмъям вошъясько,
Визь нодэным коть мае но
Малпамея тупатско.
Ненокинлэн мыным пумит
Мынын кужмыз уг тырмы,
Ненокыӵе амалэн но
Нокин номрин уг вормы.
Бадӟым тыэз, паськыт шурез
Пельтыса гинэ куасьтӥсько,
Пумтэм бадӟым зарезьёсыз
Кечат-вамат гожмасько.
Кӧшкем ӝужтэсь гурезьёсыз
Кесясько но быдтӥсько,
Коть мар ужез пӧрмытыны
Пӧртэм визьмо быгатско.
Бурды ке но ӧвӧл мынам
Тӧллэсь ӝоггес лобасько,
Озьы коть нош кытчы вуса,
Вань уродэз быдтӥсько.
Быдтӥсько но, со бервылэ
Шудэз-бурез кизисько,
Со киземе С.С.Р.-ын
Мак сяськаен адӟиське.
Мукет эксэй палъёсын но
Будса вылэ ӝутӥське.
Ненокинлэсь уг кышкаськы
Коть кинлэсь но мон кужмо.
