Буды-буды, нункае,
Зарни бугор лулкае;
Буды таза, шудыса,
Дугдытэк кадь кырӟаса:
— Горд шундымы зол пиштэ,
Асьмедыз со ӟеч шунтэ…
Сизьым арес луид ке,
Школын кутскод дышетскын;
Отын сюлмысь тыршид ке
Лобась луод ӟеч визьмын,
Коть мар ужез валалод,
Лул кужмыныд юн луод.
Со кужмыныд, визьмыныд
Калыклы тон зол юрттод,
Социализм пуктыны
Вань сюлэмдэ тон понод.
Калык тонэ яратоз,
Шуныт сюлмаз ӟеч вордоз.
Буды-буды нункае,
Зарни бугор лулкае;
Буды таза, шудыса,
Дугдытэк кадь кырӟаса:
Горд шундымы зол пиштэ,
Асьмедыз со ӟеч шунтэ.
