Пици-палакст/Месть уш стяко кортамс
МЕСТЬ УШ СТЯКО КОРТАМС
Зрят не пеняцямкатне, зрят. А маштыть минек эрзятне вадря ломанень нееме. „Саразонь курцть“ нать минек эрзятнень сельмсэ.
Варштатано Борсова велес, кона эри-ашты ды менелень качакавты Гутовскоень районсо, Новосибирской окруксо.
Те велесэнть ули коператив, эйсэнзэ эрьва мень таварт ды прикасчик.
Ломанень келесь — „азарсь“ кель. Кискась куш онги но а корты. Ломанень келесь месть понксь тапари. Ули истямо вал-меревть: „косо, келя, кассир — тосо растрата, косо приказчик — тосо мошенства“.
Борцовань коперативсэнть ули прикасчик, мерить тензэ Новоселов. Комунист. Ломанеськак сон вадря ды тевензэяк, кода сёрмады велькорось, молить вадрясто.
Маень васень читнестэ сась коперативентень ревизионной комиссия. Новоселов вастынзе сынст мельсэ, ансякс седеезэ мекс бути ёкнозевсь. Ки соды мекс? Чись ульнесь пеця. Вант пецянь он несь цёрась. Пецянь каршо яла берять эрить отнэ.
Ревизиясь ливць ланкс вейке „вишкине“ тевне: кассастонть мусть лишной ярмакт 75 целковой.
Новоселов абунгаць. Пек абунгаць. Комиссиясь кевкстизе:
[ 95 ] — Косто прасть кассантень неть ярмакнэ? — Новоселовонь прок псакат котьмерензэ раздеме кармасть.
— Мон, мери, не ярмакнэнь саинь Вехов ялганть кецтэ векселень пандомс. Чийнян тензэ — тусать распискам.
Чийсь Веховнэнь: „Ялга, идимак!“ Тонгак партиецат, монгак. Кальдявсть аламодо тевень: кассантень лишной ярмак чуцть... Торгувинь фокус марто... Ну, тон чаркодят, кодат фокустнэ. Течи шайтят косто кандызь тей рев, комиссиянть, прок тровицянь чистэ лов неждясь лангозон. Муизь ярмакнэнь. Идимак, мерть, — тон монень сынст максыть...
Куроксто „сряпаясть“ кавто „ухачнэ“ расписка ды кандызь ревкомиссиянтень.
Тевесь алкукс кальдявсь: ревкомиссиясонть ломатне ульнесть казямот, сынь кармасть кевкснеме месть а эрявить, прок калсто сарт тарксесть: „кодамо ульнесь векселесь, кинень максозель, соды ли эйстэнзэ правлениясь“. И лиссь тевесь ланкс: меньгак вексель арасель.
Новоселовонь крандазось прась перёткасто; мошенничомонть кис сонзэ канжонзо свистизь: партбилетэнзэ саизь, тевенть максызь суц.
Мезень кис те наказаниянть максызь? Новоселов маньшесь чопуда народонть: тавартнэнь кис сайсь колмо-ниле питнеть, народонть стявць коперациянть каршо. Новоселов эзь кемекста велень ды ошонть ютксо союзонть. Сон тейсь мекейланк: те союзонть калавць.
Косо ней Новоселов „ялгась“? Тюрьмасо ашти?
Эзь думаяк. Сон кода робутась, истяк и робуты коперациясонть прикасчикекс. Правлениясь кавто сельмензэ лацо вансты эйсэнзэ. Можна надиямс, Новоселов партбилетэнзэяк курок мекей получасы ды зепезэнзэ пуцы.
Истямо эрямонть — вешнемс ды вешнемс. А эрзятне пеняцить — арасть вадря ломаненек. Месть уш стяко кортамс?
Варштатано омбоце велес. Барнаулонь окруксо, Чум-районсо те велесь. Мерить эйстэнзэ — Кочегарка.
Тосо ули комунист Пиянзин Миша, коперациясо преседатель. Аволь умок братонстэнь, Юхимнень, мись алаша.
[ 96 ] Юхим покш мельсэ рамизе алашанть: брат-братонзо жализе. Тесэ уш манямка арась. Истя думась Юхим.
Ютась недляшка — алашась крамойгаць, пильге ланксто прась. Кодамо бути циган лечамонзо кармась — кадызе: а лечави. Фатясь Юхим — братозо сонзэ пулонть алга ведь валсь: манизе, амаштовикс алаша тонксь тензэ.
Мольсь Мишанень пеняцямо. Удыль Миша. Юхим Миша-нинстэнь вал каясь. Тона авась „збой“: капоць ухват ды Юхимень пря ланга кармась калцаеме.
Сыргойсь Мишаяк. Каподизе стенастонть наганонзо ды Юхимень ледеме. Тона ваны тевтне берять — седе курок ушов ды кудов.
Совась Мишань тетязо. Кармась Мишань мурнеме. Мишань кежензэ састь.
— А, тонгак те сволочонть кис аштят? Мон сонзэ, жалиять, максынь тензэ вадря алаша, сонзэ эщо яла мелезэ а витеви...
Миша кундызе тетянзо сакалдо, рестедизе кияксос, давай дуцямонзо кулаксо ды кучкорезь. Мастор мекшнень парсте кунсоловтынзе тетянзо кецтэ.
— Мон, мери, превть путан тенк! Тонавттадызь пасибань ёвтамо!..
Мезень кис ансяк те пасибанть ёвтамс — Миша сень эссе толкува. Значит, чаркодемс эряви эстенек.
Вана тенк кавто примерт, кодат минек улить паро ломаненек. Не примертнэ паряк потомдасызь пеняцицятнень кургост.
Месть уш стяко кортамс?
Новосибирск-ош. 1928 ие.