Петук да изки
Олӧ-вылӧ петук. Петуклӧн сарай дорас изки эм. Бариника изны воас. Петук пырас керкаас. Бариника изкисӧ пышйӧдас. Сэсся петук петас — изкиыс абу. Вӧтчас да вӧтчас, да вӧтчас, изкисӧ мырддяс. Воас да бара сарай дорас тувъялас. Сэсся бара бариника изны воас. Петук пырас. Бариника бара изкисӧ пышйӧдас. Петук бара вӧтчас да вӧтас. Изкисӧ мырддяс. Ваяс да бара сарай дорас тувъялас. Бара коймӧдысь бариника воас изны. Бара изки пышйӧдас. Петук вӧтчас да вӧтчас. Ош паныд сюрас. Ошлысь юалас:
— Тэныд бариника эз паныд сюр?
— Эз.
— Ошанӧй, ошанӧй! Он-ӧ меным рушкуӧ пыр?
— Пыра.
Петук вӧтчас да вӧтчас. Кӧин паныд сюрас.
— Кӧинанӧй, кӧинанӧй! Он-ӧ менам рушкуӧ пыр?
— Пыра.
Петук вӧтчас да вӧтчас. Бариникалӧн керкаыс воис. Кык ӧшинь костас пуксяс.
— Кекерукку! Бариника, вай изки.
Бариника шуас: тайӧс пӧ колӧ картаад йӧртны. Эсся картаас йӧртасны.
— Ош да кӧин петӧ, став мӧссӧ сёйӧ.
Аскинас видласны, немся мӧс абу.
— Тайӧс тай нӧ вӧв стаяад колӧ йӧртны, мед зураласны, да кулас.
Аски найӧ чеччасны, да немся вӧв абу. Ош да кӧин сёясны.
— Тайӧс тай пӧ колӧ ыж гидад йӧртны, мед таляласны, да кулас.
Аскинас чеччасны, да немся ыж абу.
— Тайӧс тай пӧ ӧшмӧсӧ колӧ йӧртны, мед пӧдас.
Ӧшмӧсас йӧртасны. Петук шуас:
— Ош да кӧин, петӧ, став васӧ юӧ.
Аскинас лэччасны да немся ва абу.
— Тайӧс тай пӧ колӧ идзас стогъяс пытшкад йӧртны да ӧзтыны.
Петукӧс йӧртасны. Петук шуас:
— Ош да кӧин, петӧ, сітанъяссьыд ваястӧ лэдзӧ.
Ош да кӧин ваяссӧ лэдзасны. Аскинас лэччасны: идзас стог абу сотчӧм. Петук каяс да бариника кык ӧшинь костас пуксяс.
— Кикируку! Бариника, вай изки.
— На, чультӧм, тэысь, тыдалӧ, он мын.
Петук кокыштас изки да мунас. Ӧні олӧныс-вылӧныс.
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1959 году, соответственно эта работа выйдет в России в общественное достояние в 2030 году.
The author died in 1959, so this work is also in the public domain in countries and areas (outside Russia) where the copyright term is the author's life plus 60 years or less. |