УЛЬХТЯМА УДАРНИКТ
Темниковонь райононь
учительхненди казьса
Вишкя вармак
Модать ланга,
Оцю эс, эс эрьга,
Культпохоць
Молема кармась,
Кода валнась ляйга.
Валнась
Вельхтязень велетнень,
Ошнень и завоттнень,
Серьгядезень
Вии валса
Сиретнень
И оттнень.
Стирьнек цёранек,
[ 44 ]
Алянек,
Стяда, ялгат,
Стяда!
Сёрмас аф содай
Ломаттня
Книгати кундада!
Тонафнеда,
Книгать вельдя
Марса эряфть петесть,
Марстонь эряфти
Эсь мельгантт
Ашу сокайть вятесть.
Сянкса Темниковса
(Ошса) —
Педтехникумть залса,
Рельсат путнихть
Культпохотти
Тонафтыхня марса.
Арьсесазь синнь,
Кода сяда курок
Валтти сувамс велети,
Кода паксять
Лангоц максомс
Сокамс кшнинь пеельти,
[ 45 ]
„Од эряфонкса виеньконь
Макссаськ сембонь марнек,
Ульхтяма ошса, велеса
Колхозникт — ударникт.”
|
|
