МЕЗЯ ВИДЕТЬ — СЯНЬ И НУК!
Анюнь Данилась
Лама няенць.
Уленць сотнеф
Нужань пиксса.
Тятде шарьхкоць —
Види кяденц,
Кеподезя
Колхозть инкса.
„Ков тон молеть?”
Савонць кулемс
Пуромксса,
Ульцяса, куца.
Но сонь сяка
Валоц уленць:
„Тёждя эряфсь —
Марстонь труца”.
[ 58 ]
Тунда, мзярда
Ляйхне, лакасть
Мзярда начка
Пинкне ётнесть,
Данилсь эрь
Шудава якась
Марстонь паксяв —
Пакся соксесь.
Плукса сиря
Межат веляфць,
Лия тевсонга
Васенць уленць.
Мзярда вишкя
Темпня эрявсть:
— Ударникан!—
Валоц кулевсь.
Мярьгсь,
И пяшкодезя
Мярькфонц—
Стак изь
Ётафта
Сон фкя ши,
[ 59 ]
* * *
Лиякс арьсесь
И работась
Оцю шама
Федянь Фролась.
Сембя тевста
Ракакс потась,
Равжа доскас
Тяштьфоль: нола.
Авацка сонь
Сяколь-жа,
Работать
Ашезя кельгя.
Неделяти
Паксясоль, весть,
Сявок вихца
Киньгя мельгя.
Ламоксть
Корхтафоль
Фроланди,
Мес стак
Ётафнесазь
[ 60 ]
Кофнень.
Атвечакшнесь:
„Молян ванды”—
Но тя эряфс
Ашезь ётня.
Эрь базарня
Яксесь ошка,
Ванат: понат
Или вай мий.
Куду сай
Эшлякши Мокшсса,
Тоса мады
Иляц ваймяй.
Келазь лаца
Предколхозать
Перьфка шаронць,
Корхнесь: „кандан,
Кда инксон
Валня азат”...
— А авацень?
„Сянкса... пандан”.
.........
— Ялгат, базар!?
Тя аф пуромкс,—
[ 61 ]
Веши сетьмя
Предколхозась,—
Шумназь путфкс
Минь аф
Саттама
Дохоттнень
Явомать колга.
— Мярькф вдь труц...
— Труц коря сёроть!—
Пешкоць пцтай
Сембя пуромкссь
— Ярхцайс!
— Ярхцайс!...
— Ашеть ёра?
— Али мяльця
Тяса тюремс?
„Колхозть
Кемокстаманц
Ингса
Дохоттнень
Труц коря
Явсаськ!
Тя путфксть мархта
[ 62 ]
Минь тя пинкста
Ётась аф
Сатыкснень шавсаськ”.
Тяфта путозь
Явомс сёроть,
Тяфта корхтай
Путфксоц
Пуромксть.
„Аф ломатть,
А вирень корошт!
Теест эрямс—
Тейнек куломс”.(?)
Пешкоць Фролась,
Трнась саноц,
Лифнесь сельгоц
Коськя — сану,
Но сонь валоц
Ёртф цигаркакс
Тапавсь пуромксть,
Пильгя алу.
Лисемстонза
Куфцесь—куфцесь
[ 63 ]
„Ков аф няят—
Тов хоть тук”.
Мельганза
Ёрць валня
Сёмась
— Мезя видеть—
Сянь и нук!
| 
