ВЕЛЕНЬ СИДЯ МОРОНЯТ
Ялгай, морак,
Монга моран,
Кайгиста юваттяма,
Сёрматтфтама комсомолу,—
Меколи аф ляттама,
„Од-Велети” сёрмачнян,
Шовдать эса тапан.
Школаса тонафнян,
Церькаву аф якан.
Сединязя ризьфса
Палы,
Аф утцян
Вень — перьф.
Сяка мяльсон:
Лувомс книшка.
Ётась кизотнень
Стерьнятня книгафтома
Пичедьмя,
Тяни якатама
[ 15 ]
Школав,
Тоса якстерь
Уженя.
Ляй трваса
Оцю панда,
Ланганза
Аф якават.
Комсомолец
Кельгомазя,
Мархтонза
Аф рахаван.
Цёра морак
Гармонькаса,
Морак сиденяста,
Кизонда
Минь церанекя
Пелес ёнца
Арсесть,
Ломань переста
Куярхт
Воравасть и салсесть.
Ульцяв лисихть,
Кода пинет,
Фкяфкянь мархта
[ 16 ]
Сялондыхть.
Али акша
Паля стирьхнень
Кяша веца
Валондыхть.
А тялонда
Митянь Митясь,
Ёньцнон
Лияв шарфтозень,
Книгаса, газетаса,
Обуцяснон срафтозень.
Пуроптозень
Сембонь марса,
Тиезень фкя
Семиякс,
Лувихть книга:
Кода эряма лиякс.
Тяни миньгя
Якатама
Школав, велеть
Тона пес.
Тоса, якстерь уженяса,
Тонаттама
Цебярь тевс.
|
|
