Николай II эксэйлэн престоллэсь куштӥськонэз сярысь манифест
| Николай II эксэйлэн престоллэсь куштӥськонэз сярысь манифест |
| Кылдытон дыр: 2-тӥ (15-тӥ) мартэ 1917-тӥ аре. Источник: Войнаысь ивор : газет. — 1917. — 20-тӥ март (№ 4). — 6-тӥ бам. |
Инмарлэн ӟеченыз
Мон, II-ез Николай,
Россиысь Император
Поляк Эксэй, Финляндиысь Быдӟым Князь
мукетлэн но, мукетлэн но, мукетлэн но…
Мыным сётскем калыклы вераськом:
Та тушмонэн жугиськон нуналъёсын, куинь ар асьме вордскем музъеммес басьтыны турттӥсен, Инмарлы озьы кулэ вылды вал, асьме Россие таӵе секыт время сётыны. Россия пушкын калыклэн сураськыны кутскемез, азьпала тушмонэн жугиськыны урод луоз, соин сое дугдытыны кулэ.
Россия тушмонэз вормытозь ке, жугиськиз. Соку солэн улонэз капчи но, умой но луоз. Урод тушмон немец бервылатӥ кужымзэ быдтэ ини, соин ик асьмелэн зол, ӟеч солдатъёсмы сэрыт (ӝог) тушмонлэсь бервылатӥ кужымзэ быдтозы ини. Таӵе Россилы шуг нуналъёсы, калыклы капчи но, каньыл но мед луоз шуыса, Кун Дума (Монэ) Государез Государьысьтым куӵкыны косӥз но, мынэсьтым ужъёсме ас кияз басьтӥзы. Мынам (Государьлэн) пиеным люкиськеме ӧз поты но, пиме но Государь луонтэм вылысь куӵкыти Государлыкме аслам братэлы, Быдӟым Князьлы Михаил Александровичлы, кельтӥ. Солы ик котьма править карон ужъёсме сётӥ. Асьме яратон вордскем музъеммы понна котькин адямиез Мыным (Государьлы) но пыриськыны, тушмонъёсты но, жугыны ӧтиськом. Кунмес тушмонэз вормон сюрес вылэ пуктыны Инмар мед юрттоз вал!
Государь «Николай» шуыса киез понӥз. Март 2, 1917 ар. Псков кар.