Инглизләр, әфган муллаларын сатып
алып, Әфганстанның берничә өлкәсен
аерып, уз кулларына кертергә маташалар.
(Телеграф хәбәре.)
«Азгын хан кулында һәлак була
Ислам кебек туры, хак бер дин,
Коткарырга кирәк, җәмәгать!» — дип,
Вәгазь сөйли мулла Чемберлен! —
«Бөтен көчне куеп маташыгыз,
Дин-шәригать җирдән бетмәсен,
Ичмасам, ди, аерып алу кирәк,
Җәләлабад дигән өлкәсен!
Ул өлкәне генә булса да сез
Динсезлектән саклап калыгыз,
Менә юллык сезгә, изге сәфәр,
Әфган илләренә барыгыз».
