Мича вадорын...
Мича ва дорті, гажа ю дорті
Тувсов асылӧ, шонді петігӧн
Зонка, томиник, муніс туй кузя,
Муніс туй кузя сьӧлӧмшӧр дінас.
Сійӧ мортыслӧн, сійӧ зонмыслӧн
Сьӧлӧм гажӧдысь, сьӧлӧм косьтысьыс
Оліс ва сайын, паськыд ва сайын,
Паськыд ва сайын, гыа ю сайын.
Мича ва дорын, гажа ю дорын
Джуджыд ньыв пуяс, мича коз пуяс
Лӧня быдмисны, муртса вӧрисны,
Муртса вӧрисны — лыснас дзӧрисны.
Мунӧ нюмъялӧ, мича ныв йылысь
Нимкодясигтыр гажа мӧвпалӧ.
Долыд думъясӧн юрыс тырӧма —
Сьӧлӧм пытшкӧдзыс сылы пырӧма.
Тувсов асылыс ставнас нюмъялӧ,
Мича ва вылыс ставнас сералӧ —
Быттьӧ яндысьӧ, быттьӧ полыштӧ,
Быттьӧ родігтыр пыдӧдз лолыштӧ.
Паськыд ва дорын, гажа ю дорын
Выйим ӧти пыж, ӧти важиник.
Пуксис пыжӧ зон, кань моз чивкнитіс,
Нимкодясигтыр ур моз тривкнитіс.
Пыжыс ичӧтик, пыжыс сісьмӧма,
Пыжас ва пырӧ, пырӧ зэв ӧдйӧ...
Ваыс паськыд зэв, юыс джуджыд зэв —
Мӧдлапӧлӧдзыс ылын вуджнысӧ!..
Тувсов асылӧ... Шонді петігӧн...
Юыс ньылыштіс... Сёйис том зонмӧс...
Ывла шпыннялӧ — оз куж шогсьыны!
Горшӧй гӧрддзассис... Нинӧм ог шу ме...
 
|
This work is in the public domain in the United States because it was first published outside the United States prior to January 1, 1930. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1954 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1930 works copyrighted at home. Данная работа, впервые изданная до 1930 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1981 году, соответственно эта работа выйдет в России в общественное достояние в 2052 году.
The author died in 1981, so this work is also in the public domain in countries and areas (outside Russia) where the copyright term is the author's life plus 30 years or less. |