Кык луд кечез ӵош уд куты (Ашальчи Оки)

Кык луд кечез ӵош уд куты Автор: Ашальчи Оки

Поттэмын: Виль синь : газет. — 1918. — 10-тӥ март (№ 5).

Милям гуртын Олексей агай кадь узыр огез но ӧвӧл. Узыр ке но, со весь уксё люканы турттэ. Кылем арын укмыс арес пизэ дышетыны сётӥз. Ужатэмез но потэ пизэ, дышетытэк но кельтэмез уг поты. Ӧжыт мар ужез вань ке, Олексей агай пизэ дышетӥськонэ уг лэзьы. Вунэтэм, лэся, пересьёслэсь «кык луд кечез ӵош уд куты» шуэмзэс.

Пиез ӟудэменыз бӧрдэ ини: атаез ужаны косэ, дышетӥсез эшъёсыдлэсь кылиськод шуэ. Первой туж шаплы тодыны кутскем вал со. Весь ужаны кыльылэменыз, берло ӧз ни тод. Дышетӥсез туэ выльысь первой аре пуктӥз сое, эшъёссэ кыктэтӥяз поттӥз.

Олексей агай сукъяськем понназ калыкъёслэсь но кема дышетоз ини пизэ.