Куыдз æмæ гал (Гæдиаты)

by Гæдиаты Секъа

КУЫДЗ ÆМÆ ГАЛ

Куыдз хосыл хуыссыди
Æмæ йæм галы нæ уагъта.
Гал æм курæг ыссыди, —
Хуыснæгау дзы нæ давта:

— Цæмæн рæйыс ды мæныл?
Курын, сыдæй мæ ма мар,
Иузæрдыг дæн æз лæгыл,
Фыдзæрдæ мæм ды ма дар.

Æз лæгæн дæн йæ дарæг,
Æргомæй дын æй зæгъын,
Ме 'фцæг куегæйæ фæнарæг, —
Бауадз мæ, сыдæй мæлын.

Зыд лæджы цæст — зынæфсис, —
Дæхæдæг дæр нæ хæрыс,
Искæмæн дæр нæ дæттыс,
Бынтон сæфт у дае намыс.

---