Кра́ткаѧ и҆сто́рїа се́рбѡвъ/нача́ло/г҃
| ←Посвѧще́нїе | Кра́ткаѧ и҆сто́рїа се́рбѡвъ (въ лѣ́то ѿ ржⷭ҇тва̀ хрⷭ҇то́ва ҂аѱч҃г) Творе́нїе §. Письмо̀ |
Ча́сть а҃→ |
А҆́ще вели́кихъ и҆ ва́жныхъ всѧ́кагѡ ро́да сочине́нїй подноше́нїемъ и҆ послвѧще́нїемъ досто́йна бы́ти Ва́ше Превосходи́телство призна́ю, ꙗ҆́кѡ мꙋ́жа въ кни́жномъ ѹ҆че́нїи и҆скꙋ́сна и҆ и҆зѧ́щна: ничи́мъ ме́нше, надѣю́сѧ, ꙗ҆́кѡ и҆ се́й ма́лый моегѡ̀ ста́рческагѡ по́двига трꙋ́дъ не непрїѧ́тенъ пока́жетсѧ пред̾ Ва́ми, а҆́ще не за и҆́но что̀, то̀ по́не за сїѐ є҆ди́но, ꙗ҆́кѡ ѻ҆́нъ въ себѣ̀ соде́ржитъ кра́ткꙋю по́вѣсть, нѣ́кꙋю воѻбража́ющь і҆де́ю ѡ҆ ро́дѣ Се́рбскомъ, є҆гѡ́же ѿра́сль и҆ Превосходи́телство Ва́ше є҆стѐ, ра́внѣже Ревни́тель, и҆ Предста́тель. Призна́ю и҆ сїѐ, ꙗ҆́кѡ не равновѣ́сно дѣ́лце сїѐ є҆́сть, Ва́шемꙋ Характі́рꙋ, и҆ Высо́комꙋ досто́инствꙋ: благонаде́жденъ ѻ҆ба́че є҆́смь, ꙗ҆́кѡ рѣ́ткости ра́ди своеѧ̀ прїѧ́то бꙋ́детъ со благоволе́нїемъ въ покрови́телство Ва́ше, и҆̀мже ѡ҆гра́ждено сꙋ́що, ꙗ҆́кѡ ва́жность є҆мꙋ̀ надлежа́щꙋю, та́кѡ и҆ благопрїѧ́тность свою̀ ѹ҆ ѻ҆те́чественникѡвъ на́шихъ безсꙋмнѣ́нїѧ вози́мѣетъ.
|
This work was published before January 1, 1929, and is in the public domain worldwide because the author died at least 100 years ago. |