1. Удмурт Автономи Областьлэн улосэз сюрес ласянь туж шуг азьын луэ. Солэн уйпал сэрегыз лымшор пал сэрегеныз быдэсак висъяськемын, кусыпсэс матын возён понна сюресъёс ӧвӧл.
Чугун сюресэн ваче кусыпсэс, соослэн Москва пыртӥ но Свердлов кар (Екатеринбург) пыртӥ гинэ герӟамзы луэ.
2. Пермской чугун сюрес Ватка карен герӟаськыны уйпал сэреглы гинэ умой.
3. Казанбургской чугун сюрес нош Пермской чугун сюрес кадь ик Кузонэн герӟаськыны лымшор пал сэреглы гинэ умой.
4. Уйпал но лымшор пал сэрегъёс кусыпсэс герӟаны Екатеринбургын гинэ быгато.
Чугун сюрес ласянь уйпал сэрег но, лымшор пал сэрег но огкадь Екатеринбургын огазьын луо.
5. Удмурт Область таӵе умойтэм азьын улэменыз, котыр ваньбурез умой карон понна ёросъёсыз огазе карем Вятско-Ветлужской ёросэ (шор карез Вятка) но Волжско-Камской ёросэ (шор карез Казань) кыстӥськонэз умой уг лу.
6. Удмурт Областьлы котырез ӝикытан ласянь, Урал Областе (шор карез Свердлов кар — Екатеринбург) кыстӥськыса ӟеч луэ.
Та вылӥ верамъёсъя 8-тӥ партконференция, ёросъёсыз котыр ваньбурез умой карон понна, огазе карылыкузы, Урал Областе кыстӥськыны вазьке. Соин ик та эскерон ужез Центре ивортыны косэ. Таин ӵош ик улӥ партийной организациосын но та пумысь кенешылыны косэ.