Коми ныв
Москва карын коркӧ
Шуис меным ёртӧй:
— Гӧтрась, другӧ, Илля Вась,
Тэныд гӧтырпуыд дась!
Москва карса мича нылӧс
Меным сійӧ индӧ, кылӧ.
Мича нылыс мича збыль:
Парйыс гӧрд и платтьӧ выль...
Уси тӧд вылӧ мем парма, рас.
Выль платтьӧыс косясьлас!
Уси тӧд вылӧ мем озінёк..
Ӧтлаасис гаж и шог —
Кыськӧ другысь петіс кыв:
— Ачым бӧръя аслым ныв!
* * *
Вӧлі ме финн муын.
Ёртӧй ӧтчыд шуӧ:
— Гӧтрась, другӧ, Илля Вась,
Тэныд гӧтырпуыд дась!
Еджыд юрсиа финн нылӧс
Сійӧ меным индӧ, кылӧ.
Вылас став культура пас...
Шуи: «Нӧрӧвитла, час!»
Уси тӧд вылӧ ас оланін —
Сартас тшынным сёяс сылысь син!
Уси тӧд вылӧ мем енэж лӧз,
Миян прӧстӧй варов йӧз.
Кыськӧ другысь артмис кыв:
— Ачым бӧръя аслым ныв!
* * *
Ёртӧй коркӧ эштіг
Шуӧ Будапештын:
— Гӧтрась, другӧ, Илля Вась,
Тані гӧтырпуыд дась!
Зарни синма варов нылӧс
Сійӧ меным индӧ, кылӧ,
Сыысь мичаыс оз тӧр!
Сьӧлӧмшӧрысь сьӧлӧмшӧр!
Кӧдзыд, гажтӧм миян ас му выв —
Кынмас-косьмас сэні мадьяр ныв!
Уси тӧд вылам мем тувсов вой,
Тӧвся асъя кыа — муса чой.
Сьӧлӧмсянь ме шуи кыв:
— Ачым бӧръя аслым ныв!
* * *
Вои Сыктывкарӧ,
Мамӧ дольӧ бара:
— Гӧтрась, пиӧй, Илля Вась,
Гӧтырпуыд важӧн дась!
Сэсся радйис сійӧ часӧн
Бурысь-бурӧс сё да дасӧс.
Аттӧ сё мокасьтӧ удж —
Бӧрйынысӧ эг и куж!
Мамкӧд ӧти кывйӧ ме эг во.
Скӧрмис сійӧ, шуӧ: «Сідз кӧ но,
Гашкӧ, колӧ тэныд Будапешт,
Либӧ мукӧд пӧлӧс пеж!
Менсьым кылӧс кӧ он кыв,
Вай жӧ кузь калляна ныв!»
* * *
Ӧтчыд гожся лунӧ
Сыктывкарӧ муні —
Степановскӧй площадь выв...
Паныд мем... лӧз синма ныв!
Парма ёль и тувсов енэж,
Мича сьӧд вӧр другысь сэні
Гудыр-гадырмуні весь —
Сэсся вот тэныд и чесьт!
* * *
Татӧн мойдлӧн менам пом...
Мый думайтан, мича зон?
Збыль имитіс менам кыв:
— Ачым бӧрйи аслым ныв!
 
|
This work is in the public domain in the United States because it was first published outside the United States prior to January 1, 1930. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1954 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1930 works copyrighted at home. Данная работа, впервые изданная до 1930 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1981 году, соответственно эта работа выйдет в России в общественное достояние в 2052 году.
The author died in 1981, so this work is also in the public domain in countries and areas (outside Russia) where the copyright term is the author's life plus 30 years or less. |