Коми велӧдчӧм йӧзлы
Югдӧ, бур вокӧй,
Уджавны колӧ;
Сьӧкыд удж тэнсьыд
Му миян корӧ.
Сьӧлӧмсянь уджав,
Йӧзлы бур вӧч.
Мудз тӧдтӧг мырсьы
Вой и лун тэ.
Эн чайт, мый уджыд
Аддзытӧм кольӧ.
Эн пов, мый сійӧ
Йӧз пиӧ вошӧ.
Сьӧлӧмсянь сӧмын
На понда уджав,
Кыдз колӧ овны —
Найӧлы висьтав.
Коми йӧз садьмас;
Ним тэнсьыд тӧдлас,
Ыджыдӧс тэныд
«Пасибӧ» шуас.
|
This work is in the public domain in the United States but it may not be in other jurisdictions. See Copyright.
|