Колхозонь эряф/1940/04/Кемгафтува гуленя

 

Кемгафтува гуленя

ЙОФКС.

Эрясть-ащесть атят-бабат кафонест. И голь ризнальхть цёранкса. И весть атясь срхкай вири пенгас. Бабац мярьги атяти:

— Кда улель цёраньке, молель ба сон вири, а тон ваймялеть, атя.

— Дят ризна, баба, — мярьгсь атясь, — кода-кода веконьконь эрясаськ.

Атясь тусь вири и керсь шуфта. А шуфтть потмоц ундуволь. И ундть потмоста лиссь аф оцю цёраня.

— Сявомак, аляй, — мярьгсь цёранясь, — мон тонь кунаркиге учсетя.

Атясь кеняндсь. Сон озаф тозе цёранц карманозонза и тусь куду, нльне пенгатка ашезь сяве.

Сась куду атясь, максозе бабанцты цёранять, бабанясь сонць аварди, сияк палсесы цёранц.

Эряйхть-ащихть, а цёрасна таки аф касы. Ингольцекс ащи ёмланяста. Тейнза 18 киза, эряви тиемс свадьба, а сон пяштешка.

Цёранять ульсь эсь коряванза аф оцю ружьяняц. Сон и мярьги атянзонды-аванзонды.

— Кучемасть вири охотас!

— Ков тон молят, нинге юмат, — мярьгсь тядяц.

— Аф юман, — отвечась цёранясь. И тусь.

Мольсь, мольсь, ваны: вярьге лиихть яксяркт. Сон лувозень — кемгафтува. И сембе фкя лацот. Сон кодак ляци, и инголенза прась яксярга, ранендавсь пацяц.

— Нолдамак цёра, — пшкядсь яксяргсь.

— Кода нолдате, вдь тон ранендавоть? — отвечась цёрась.

— Таргак эздон пулять, и мон тейть тиян пара.

— Кодама пара?

— Азса тонь сембе павазцень.

— Ну, азк ина. — И цёрась таргазе эздонза пулять.

— Тонь ёратядязь рьвяяфтомс, но тядяце пичеди, мес тонь серьце ёмланя. Тонь сембе павазце и серьце монь сазорозень кядьса. Сейчас сон лии гуленякс Синь тоже кемгафтувонест. Катк синь валгихть стама-стама эрьхке беряку. Синь кармайхть кайсема гуленянь щамняснон Кона каясы мекпяли, ся самай сон. Тон и ся щамнять кяшк и кяшть тоньцке, штоба афолензе няе. Мзярда сембе лисихть, щакшнихть, то сон аф лиси ведьста, визди. Сон эста кармай эняльдема тяфта:

— Кие ули, кда ули атя—улеза алязе, кда ава, улеза тядязе.

— Тон дят кашторда.

— Кда улихть шабат, то улест сазорняне—пяльняне.

— Тон танга дят кашторда.

— Кда ули стирь, то улеза аказе, а кда цёра, улеза полазе.

— Тон аньцек эста макск.

Кода тонафтозе, стане и тись. Виде, ся гуленянте стама стирькс арасть, мазишисна афазовомшка.

И тусь цёрась куду аванц мархта. Пачкодсть велети, цёрать кивок аф содасы, сяшкава сон кассь. И стирьсь мярьги:

— Но архт, да куроконе сак инксон меки. Тонь тоса тядяце кармай каванямот. Ватт, сембода ярхцак, аньцек дят ярхца нармонь лофцта. Ато юкстасамак.

Сась цёрась куду, и сонь тядяц путсь сембонь эзда, нльне нармонь лофцовок. Цёрась корштась весть и юкстазе стиренц. Сон рьвяясь, а стирец велепеса аварди.

Улендсь свадьбац, стирьсь сась нищайнякс. Сонь примазь. Нищайнясь анась пря стряпондамс калацят. Пидесь стапт, кодапт кивок сельмосонза изь няе. Керозе сон калацять пачк и меки арась мази стирькс. Эста няезе ся цебярь стирть, конань кадондозе велепети. Но позналь ни, стирсь аньцек мярьгсь.

— Тон кадомайть и тонцьке пара аф няят.

И лийкстась гуленякс вяри, а цёрать шачсь идняц, сонць кулось тоскаста. И тянимс эряйхть рьванц мархта цёраняц. Мон якань тейст, синь пяк лац эряйхть, симонь пялост чайда. Арьсян пара — повомс тейнтьке, кие лувсы тя ёфксть.

 

Сёрмадозе М. Бородачева.