Колхозонь эряф/1938/05-6/А. М. Горькийть эряфонь киц
| А. М. ГОРЬКИЙТЬ ЭРЯФОНЬ КИЦ |
Алексей Максимович Горькийсь шачсь март ковть 28-це шистонза 1868 к. Нижняй—Новогородса. Горькийть шабакс пингоц и отрочествац сьормадф эсь мархтонза замечательнай кафта книгаса — „Детство“ и „В людях“, конат сувасть мировой литературань сокровищати кода классическяй образецт. Нят книгатнень эса пяк оцю правдивость мархта няфтьф эряфонь неприглядносць и сталмось, конатнень Горькийсь испытал сонць. Шачемадонза ниле кизода меле, сон юмафтозе алянц, кона кулось холерада, а кемонь кизоса Горькийсь илядсь круглай сиротакс.
Кафкса кизоса сон ульсь максф начальнай училищав, „но курсть тянь эса бедность сюнеда исце адела“, кода меле ульсь азф документса колганза.
Сонцень сембе огромнай содама шинц сянь меле сатозе самоучкакс, аф азомшка стака условияса.
Штоба афкуломс вачеда, Горькийсь ульсь и тряпичникокс, и побегушкаса шабанякс, и пекарькс, и сторожкс, и поворонь помощникокс и грузчикокс. „Работань мон лама, — мяляфнезе сонць, — пцтай ношкаммозон. Стакшитне и праздникне фкакс ульсть загроможденнайхть, йомбла, смыслафтома, результатфтома трудса“. Но лувомати страстсь, кона весть явондась, сон исце кадонд сембе эряфонц пингста и хоть сон васенкигя лувондсь системафтома сембонь, мезе повондсь кядьалонза, книгась тейнза лездсь эряфонь шарьхкодемати и сонь нинге сяда пяк кельгоманцты.
Лувомань сембе пингонь (постояннай) увлечениясь тиендсь знаниянди сядонга оцю жажда. Знаниянь вешема Горькийсь сась Казани, университетскяй ошу, надиямок, тяса сяда тьождяста и сяда малас шоворемс наукати.
Университету, шарьхкодьф, сон изь пов. Ингольцекс тиендемок рдазу и стака работат, сембе сяка, сон маладсь, тонафни революционнай од ломаттнень мархта.
Тяса жа Горькийсь знакомондась известнай революционерть — народникть Михаил Антонович Ромаскоть мархта, кона эста ащезе—ни якутскай стака ссылкать. Ромась Горькийть тердезе эсь теезонза работама поволжескяй Красновидова вели. Тя велеть эса Ромась панчсь лавка, штоба вятемс крестяттнень йоткса революционнай пропоганда. Но кяжи кулакне плхтазь Ромасть кудонц и лавканц. Горькийсь цють—цють изь пал палы зданияти.
Велень эряфть мархта Горькийть васедемац сонь лангозонза каясь гнетущай впечатление. Сон тусь каспияв и тоса работась калонь кундайнь артельса. Тоса сон ськамонза тусь Моздонскяй степи, якась жигулихнень ланга и меки мольсь Казани. Тя сонь ульсь васенце оцю странствияц 1888 кизоня.
Работамок мзяршка пинге сторожкс и весовщикокс машина килангса, Горькийсь тусь Нижняй—Новгороду. Тяса сон васеди политическяй ссыльнайхнень мархта и васенкигя пови жандарматненди „заметкас“ кода политически афнадежнай. Тяса жа сон васенькигя ковонь квалмос пови тюрьмав. Эстонь пингть эзда сявомок и мянь 1917 кизоть самос жандармскяй управленияса сембе касы „А М. Пешков малярнай цехонь цеховойть колга“ делась.
Нижняй—Новгородса Горькийсь васедьсь известнай русскяй писательть В. Г. Короленкоть мархта. Сон писательти кандозе прозаса сьормадф „Песнь старого дуба“ поэманц. Поэмась ульсь кальдяв, и Короленкось тянь колга вежлявста, но видеста азозе Горькийти: „Мон [ 16 ]решил, — лятфтазе меле Горькийсь, — сяда лама аф сьормадомс аф стихт, аф прозат и видекс, Нижняйса сембе пингонь эрямста, пцтай кафта кизот мезевок изень сьормад, а кой мзярда пяк мялезель“.
Ся пингть эзда Горькийсь служась Ланин адвокатть пяле письмоводителькс, получамок 20 цалковай ковти.
1891 кизоня тунда сон тусь од странствованияс. Сон мольсь Донской область эзга, Украинава, сембе вастова тозк добувамок ярхцама пяль, батрачиндась, работась поденно. Йотазе мянь Дунайти молемс Бессарабиять. Тоса мрдась Чернай морять берягова. Одессаста, коса Горькийсь работась портса грузчикокс, сон йотазе перекопть, Симферопольть, Ялтать, Керчть, Кубаньтть, Черноморьять, Терскяй областть, Военно-Грузинскяй кить и 1891 кизоня крхка сьоксене сась Тифлису.
Аньцек сентябрть 25-це шистонза 1892 кизоня (тя датсь и примаф сонь литературнай деятельностенц ушедоманц лувомакс) Тифлисскяй „Кавказ газетаса явондась „Макар Чудра“ васень рассказоц. Октябрьста сяка жа кизоня Горькийсь сась Нижнаи и тага адвокат Ланинть пяле кармась работама письмоводителькс.
Кенярьдьф васень рассказонц сатфксонзон мархта, Горькийсь сьормадсь тага, но исцень печатлакшне, сяс мес сон строгайста относился эстейнза и литературати Аньцек августста 1893 кизоня Московскяй „Русская ведомостьса“ ульсь печатлаф „Емельян Пиляй“ Горькийть омбоце рассказоц.
Короленкоть советонц коряс, Максим Горькийсь сьормадсь васень оцю повестенц „Челкаш“, кона ульсь печатлаф „Русское богатство“ журналса.
Мартть 23-це шистонза 1895 кизоня Горькийсь сась Самарав, терьтфоль тоза „Самарская газетав“ постояннай сотрудникокс. Сяка шинякигя жандармскяй губернскяй управлениясь секретнай порядкаса кизефнесы „установить поднадзорнай Пешковть эряма вастонц Самараса и сонь мельганза тиемс негласнай надзор“.
„Самарская газетаса“ Горькийть помещеннай лама лувксонь очерконзон и фельетондонза башка эрявихть мяляфтомс сонь и тяфтама известнай вещанзон кода: „Песня о соколе“, „На плотах“, „Дело с застежками“ „Однажды осенью“.
1896 кизоня майста Горькийсь ульсь терьдф „Нижегородский листокти“ постояннай сотрудникокс и тусь Нижнаи. Тяса Горькийсь сьормадсь лама расскаст йотксост „Озорник“, „В степи“, „Болесь“, „Коновалов“. Горькийсь курокста ульсь вынужден кадомс Нижний-Новгородть и тумос Крыму, сяс мес сон сярядьксць туберкулезса, кона гразясь сонь эряфонцты.
1898 кизось Горькийть эряфса ульсь знаменательнай кизокс. Тя кизоня васенькигя лиссть отдельнай изданияса сонь книганза — кафта томнят кемонь расскаскат каждайть эса. Синь успехсна ульсь исключительнай.
Тяка жа 1898 кизоня Нижняйса Горькийсь одукс подвергается тифлисскяй жандармскяй управлениять требованиянц корясь и этапнай порядкаса ульсь прважаф Тифлису дознанияс. Тоса сон ащесь мзяршка пинге Метежскяй замкса башка казематаса.
Тифлисста Горкийсь йотась Самарав, а тоста — Нижнаи.
Февральста 1899 кизоня „Жизнь“ журналса ушедови печатлама Горкийть оцю повестец „Фома Гордеев“.
Сяка пингста Горькийсь ушедсы революционнай работанц.
Горькийть деятельностец тейнза изь йота апак наказакс. Сонь арестовандазь и озафтозь тюрьмав, но ковда меле ульсть вынужденнайхть нолдамс тюремнай замкста и ограничиться кудонь арестса.
1899 кизоня сентябрьста Горькийсь ульсь максф Арзамас ошонь полицияти гласнай надзорс. Но сянь инкса, што Горькийть ульсь кальдяв здоровияц удалась добувамс разрешение мзяршка ковс йотамс Крыму лечиндама.
Горькийть туманц пинкста Нижняйса и лия ошева, куваня сон мольсь, ульсть тийфт тонафни одломанень и интеллигенциянь значительнай демонстрацият. Нят демонстрациятненди Ленин сире „Искраса“ откликнулся статьяса.
1901 кизоня апрельста „Жизнь“ журналса ульсь печатлаф Горькийть „Песнь [ 17 ]о буревестнике“, произведенияц, кона ульсь примаф сембе странать мархта кода революциянь кеподемань манифест.
Горькийть Крымса эрямстонза лиссь шумнаф эпизод наукань Академияв почетнай академикокс кочкаманц инкса. Мзярда тянь колга ульсь пачфтьф куля оцязорти, ся дивандазь тяшнезе докладти: „Более, чем оригинально“, конань меле макссь прямой приказ Горькийть кочкаманц полафтоманц колга, и выборхне ульсть азфт афдействительнайкс. Возмущандафт тяфтама произволса, А. П. Чеховсь и В. Г. Короленко почетнай академикне атказасть тя званиять эзда.
Мартста 1902 кизоня Московскяй художественнай театрать сценаса ульсь путф васенькигя „Мещане“ Горькийть пьесац, коса публикатненди няфць колосальнай успехт.
Тяка кизонь апрель ковста Горькийсь ульсь вынужден мрдамс Арзамасу ссылкас и тоса аделакшнемс „На дне“ пьесанц.
Горькийть „На дне“ пьесанц успехоц ульсь совершенно исключительнай аф аньцек Россияса, но и омба масторсонга, коса сон йотазень европейскяй сембе странатнень. Сон ульсь примаф революциять другонзон и врагонзон мархта кода революционнай произведения.
Горькийсь примси непосредственнай участия 1905 кизонь революциять эса. Сон сьормады возваният и сембе виень путозь лезды революционнай движенияти. Сон ульсь арестовандаф и пякстаф Петропавловскяй крепостти, но ковда меле сонь савсь нолдамс и кучемс Ригав. Аноклакшневсь Горькийть каршес судебнай процесс, но октябрь ковть 17-це шинь манифестть сюнеда тевсь ульсь лоткафтф. Мрдамок Петербургу, Горькийсь организовандась оцю газета „Новая жизнь“, кона арась васень большевистскяй легальнай органкс. Первай номерхненьда меле сонь непосредственно редактировандакшнезе омба масторста мрдаф В. И. Ленинць.
Ся пингти большевистскяй партиять эса лиссь мяль кучемс Горькийть Америкав агитациять вельде партийнай кассав ярмаконь кочкама. Сон тусь омба мастору январь ковста 1906 кизоня.
Америкав туманц пингста Максим Горькийсь сьормадозе сонцень знаменитай „Мать“ романонц, кона сыграл оцю роль рабочай класть эсь освобождениянц инкса тюремаса. Омба масторса эсь выступлениядонза меле Горькийсь, конешна, не мог самс Россияв. Сон кармась эряма Италияса Каприй островть лангса, и кармась улеме политическяй эмигрантокс.
Эрямок омба масторса, Горькийсь нинге сяда кемоста сотови партиять и партийнай работать мархта.
Тунда 1907 кизоня Лондонца ульсь партиянь ветеце с‘ездсь, коса Горькийсь ульсь совещательнай вайгяль мархта делегатокс. С‘ездса Ленинонь мархта сонь васедемац арась теснай сближениянь и деятельнай перепискань началакс.
Горький активнайста участвовандай „Просвещение“ большевистскяй журналса и соньэсонза руководит беллетристическяй отделса.
Горькийсь империалистическяй войнать васьфтезе оцю негодование мархта и сембе пингть сон илядонц тейнза инь ожесточеннай противникокс. Мзярда эряфс йотафтовсь сонь мялец и тейнза удалась пуроптомс эчке журнал „Летопись“, кона журналсь занясь интернационалистическяй позиция.
Октябрьскяй социалистическяй революцияда меле Горькийсь активнайста участвовандай „Всемирная литературать“ нолямаса, вяти работа интеллигенциять и ученайхнень йоткса. 1918 кизоня сон теснайста связаннай Ленинтть мархта, всемерна лезды советскяй литературати и од писательхненди. Сон ноляй замечательнай статьят „Коммунистический Интернационал“ журналти и фкять эса максы Ленинтть афюкставикс образонц.
1921 кизоня сонь виияй веронь аксерямац; и сон вынужденнай ульсь тумос омба мастору, а 1924 кизоня, врачнень указанияснон коряс, сон тусь Италияв, И тяса тага одукс ущедозе [ 18 ]художественнай работать. Сон сьормадсь ниле од книгат: „Рассказы“, „Воспоминания“, „Заметки из дневника“, „Мои университеты“.
1925 кизоня Горькийсь светс нолдай „Дело Артамоновых“ од книга, а 1927 кизоня явондась Горькийть „Жизнь Клима Самгина“ крупнай од произведениянь васенце томоц.
1928 кизоня сон сай родиназонза и тяса удвоеннай энергия мархта кармай работама. Сон нолдасыень „Клим Самгина“ кафта мекольдень томанзон, сьормады замечательнай очеркт, публицистическяй статьят и расскаст, в частности крестьянонь эряфста. Нолдай „Егор Булычев“ и „Василий Достигаев“ пьссат, пуропты и редактировандай лама журналхт: „Наши достижения“, „За рубежом“, „Литературная учеба“, „СССР на стройке“, выдвигает мыслянц „История молодого человека XIX столетия“, „Библиотека поэта“, „Жизнь замечательных людей“ книгань сериянь нолдамать колга. Сонь инциативанц коряс возникают тяфтама огромнай значения мархта изданиятне, кода „История фабрик и заводов“ и „История гражданской войны“.
Максим Горькийсь арай воглаве советскяй писателень союзти и непосредственно руководит сонь роботасонза.
Станяжа, кода сон и эсь пинкстонза ульсь связаннай Ленинть мархта, сон дружит великай Сталинть мархта, беседай, советондай мархтонза и пользовандай народть йоткса оцю популярностса.
Сон ульсь народти кельговикс, и сонь колганза памятьсь мзярдонга аф юмай.
| (М. Горький „Рассказы“ книгань вступительнай статьясь — 1936 к. изданиясь) |