Колхозонь эряф/1936/06/ССРСть Конституцияц/4

←

III главась. Советскяй Социалистическяй Республикань Союзть государственнай властень высшай органонза

Колхозонь эряф (1936), № 6 (35) Ноябрь-Декабрь ков
edited by Купряшкин Т., Бебан М. А.

Советскяй Социалистическяй Республикань Союзть Конституцияц (Основной Законоц)
IV главась. Союзнай республикатнень государственнай властень высшай органцна

V главась. Советскяй Социалистическяй Республикань Союзть государственнай управлениянь органонза

→

Колхозонь эряф (Колхозная жизнь). Мокшень литературно-художественнай и общественно-политическяй журнал. Мокшэрзянь АССР-нь писателень союзть правлениянц органоц. Лисенди вейксоце кизось, кафта ковти весть. — № 6 (35) Ноябрь-Декабрь ков, 1936 киза. — с. 30

260337Колхозонь эряф (1936), № 6 (35) Ноябрь-Декабрь ков — Советскяй Социалистическяй Республикань Союзть Конституцияц (Основной Законоц)
IV главась. Союзнай республикатнень государственнай властень высшай органцна

[ 30 ]

IV главась

СОЮЗНАЙ РЕСПУБЛИКАТНЕНЬ ГОСУДАРСТВЕННАЙ ВЛАСТЕНЬ ВЫСШАЙ ОРГАНЦНА

57-це СТАТЬЯТЬ. Союзнай республикань госудаственнай властень высшай органкс ащи Союзнай республикань Верховнай Советсь.

58-це СТАТЬЯСЬ. Союзнай республикань Верховнай Советть кочксесазь республикань граждантне ниле кизонь пингс.

Представительствань норматне латсевихть союзнай республикань Конституциятнень эса.

59-це СТАТЬЯСЬ. Союзнай республикань Верховнай Советсь ащи республикань единственнай законодательнай органкс.

60-це СТАТЬЯСЬ. Союзнай республикань Верховнай Советсь:

а) примси республикань Конституция и тиеньди эзонза полафнемат СССР-нь Конституциять 16-це статьянц коряс;

б) кемекснесыне сонь составсонза ащи автономнай республикатнень Конституцияснон и латсесыне-путнесыне синь территориянь границаснон;

в) кемекснесыне республикать народно-хозяйственнай планонц и бюджетонц;

г) ули правац максомс амнистия и помилования граждантненьди, конатнень судендазь Союзнай республикань судебнай органтне.

61-це СТАТЬЯСЬ. Союзнай республикань Верховнай Советсь кочкси Союзнай республикань Верховнай Советонь Президиум тяфтама составса: Союзнай республикань Верховнай Советонь Президиумонь председатель, теенза заместительхт, Президиумонь секретарь и Союзнай реепубликань Верховнай Советонь Президиумонь члент.

Союзнай республикань Верховнай Советть Президиумонц полномочиянза азфт Союзнай республикань Конституциять эса.

62-це СТАТЬЯСЬ. Заседаниятнень вятемс Союзнай республикань Верховнай Советсь кочкси эстеенза председатель и теенза заместительхт.

63-це СТАТЬЯСЬ. Союзнай республикань Верховнай Советсь тии Союзнай республикань Правительства — Союзнай республикань Народнай Комиссаронь Совет.